"Testamuna Halai, Julgamentu Kazu Eis Ministru Joao Cancio Adia"

,

Jornal Independente - Kuarta-Feira, 04 Junu 2014 

Tribunal Distritu Dili (TDD), tersa horsehik tenki adia fali julgamentu ba kazu eis Ministru Edukasaun, Joao Cancio Freitas, tanba testamunha nain rua (2) husi sidadaun estranjeiru halai lakon. 

Tan ne'e, TDD fo loron lima (5) atu notifika testamunha nain rua ne'e. Kazu ne'e, deskonfia Eis Ministru Edukasaun Cancio, komete krime partisipasaun no Economiku Negosiu ne'ebe regula iha artigu 299 Kodigu Penal Timor-Leste. 

 Advogadu Arlindo Diaz hatete, julgamentu ne'e hadia fali, tanba testamuna importante ba kazu ne'e la marka prezensa no oras ne'e hai ona ba rai liur (Australia). Nia diresaun ne'e ami la hatene, tan ne'e Tribunal hatene mak notifika, tanba ne'e Tribunal fo loron lima mai ami para atu hatama diresaun ba testamuna nain rua ne'e," hateten nia ba jornalista sira iha TDD, horsehik.

 Nia hatutan, testamunha nain rua ne'e ema sidadaun Australia ho naran Thomas Neurman ho Trevor Parris ne'ebe, uluk iha tempu IV Governu sai asesor iha Ministeriu Edukasaun (ME). 

Nia dehan, durante loron lima nia laran, sira sei esforsu atu buka tuir nia diresaun ne'e, karik mak la konsege hetan julgamentu sei kontinua la'o ba oin nafatin. 

Advogadu ne'e dehan, projeitu TV la kontinua tamba material ne'ebe mak manda husi kompania mai ne'e segundu mao hotu, tan ne'e Eis ME hakotu kontratu ho kompania, tan ne'e projeitu TV ne'e la la'o. 

Audensia julgamentu ne'e, prezidi husi juis koletivu Julio Gantes, Jose Maria de Araujo no Francisco Martins, Ministeriu Publiku (MP), reprezenta husi prokuradoria Gloria Alves, no arguido hetan asistensia husi ekipa advogadu hi naran SJG ne'ebe kompostu husi defensor publiku Manuel Sarmento, advogadu privadu Jose Guterres no Arlindo Dias.

.