Estadu Tenke Investiga Estrutura FFTL

.

Jornal Nacional Diário- 10 de junho de 2015

Kazu subornu ne’ebé deskonfia komete husi Diretor Tékniku Federesaun Futebol Timor-Leste (FFTL), Orlando Mendes ho nia kolegas hodi simu osan U$ 15,000 nune’e bele halakon ekipa Timor-Leste kontra Malaysia iha jogu futebol Sea Games loron (30/05), iha Singapura, Estadu tenke investiga klean ba estrutura FFTL.

Tuir Diretor Ezekutivu, Judicial System Monitoring Program (JSMP), Luis Oliveira Samapaio, ba jornalista sira, Segunda (08/06), iha nia servisu fatin, Colmera, Dili, hatete kazu ne’e presiza investiga hodi hatene se-se mak involve iha iha laran atu nune’e bele prosesa sira. “Hanesan sidadaun rai ne’e laran moras tanba todan ne’e mak ne’e dala ruma buat ne’e halo bebeik la hetan, ikus mai sai ba liur halo ita hotu no Estadu tenke moe. Ho ne’e Estadu lolos tenki hola inisiativa hatan ba realidade ida ne’e, investiga estrutura FFTL nian ne’e atu hatene tanba sa mak ema sira hanesan ne’e bele kaer ita nian federasaun refere,”hatete Diretor Ezekutivu JSMP ne’e tan.

Luis Oliveira Samapaio hatutan, federasaun ne’e naran atu diak no forte tenke ema ho kredibilidade, ema ne’ebe asume responbilidade no ema ne’ebe hatene katak buat sira ne’e la’os ba riku

Tuir nia katak, iha desportu ne’e jogador sira barak riku tanba sira nia talentu ba jogador ninian.

“Ita bele aprende husi rai seluk, ita mos bele dezenvolve ita nia futebol ne’e sai bo’ot kuandu iha disiplina. Ita laos hanoin mak osan deit tanba ita Timor toman mak osan deit entaun situasaun sira ne’e mos ita terjebak (tama),”dehan nia.

Nia hatutan, Estadu tenke investiga estrutura FFTL ne’e hodi bele hatene tanba sa mak ba to’o rai liu sira bele iha hanoin tama tiha ho jogu sira hanesan ne’e. “Se investiga mak hetan ona, estrutura ne’e bele troka hotu kedas tau ema foun memang ho panggilan atu servisu duni ba futebol hodi hadia futebol ne’e sai diak liu tan iha future,”dehan nia.

Ba kazu refere, antes ne’e fo sai ona katak husi parte Biro Investigasaun Korupsaun Singapura, relata katak sira kaptura ona suspeitu nain 4 ne’ebe sai outor ba eskândalu iha jogu Sea Games 2015, entre ekipa futebol Timor-Leste kontra Malaysia no Timor-Leste lakon 1-0. Entre suspeitu nain 4 ne’e, mai husi nasaun Indonesia, Singapura no Timor-Leste rasik.Des

.