Timor Post - 02 de junho de 2015
DILI-Governu poropin ba Prezidente da Republika kondekora Fernando Lasama, no deklara lutu nasional hahu loron 02-06 de junu 2015.
Liu hosi sekretariu estadu komunikasaun social Nelyo Isac Sarmento, nia pajina social fó sai, Konsellu Ministru dekreta ona lutu nasional ba teritoriu Timor Leste ba Saudoszu Fernando Lasama Araujo atual Ministru Koordenador Asuntus Sosiais ho edukasaun.
“hahu loron ohin 02-06 de junho 2015 instituisaun estadu, publiku, I embaixada sira tenke hasae bandeira meia haste, governu mos propoin ba prezidente da republika atu kondekora Lasama ho titlu Postu” tenik SEKOMS Tersa (02/06).
Nasaun Timor Leste iha tristeza nia laran, tanba lakon tan ninia lider diak ida hosi jerasaun foun, no oras ne’e dadauk iha sede Partidu Demokratiku (PD) halao perparasaun namanas basá aban (kuarta 03/06), matebian Lasama nia isin mate sei ba vizita liu, antes mate isin lori ba tau iha rezidensia ofisial iha Farol.
Observasaun nota katak iha sede PD iha Mandarin, lider estrutura masimu PD nian konsentra iha ne’eba, no ema barak halo servisu infeita uma laran, no joven barak hadia hela tenda iha varanda inklui tama ba Estrada, tanba Estrada kloot, enkuantu Estrada diresaun Colmera mai direita Tribunal Distritu Dili tenke taka ba publiku, no dirije fali ba colmera ba Ministeriu Publiku.
.
Sem comentários:
Enviar um comentário
Nota: só um membro deste blogue pode publicar um comentário.