“FRETILIN Deskonfia Uma MDG’s Mosu KKN”

,

Jornal Independente - Kuarta-feira, 18 Setembru 2013

Iha indikasaun katak, governu tenki muda politika harii uma Milenium Development Goals (MDG’s), tamba maioria povu rejeita modelu uma ne’e, entertantu governu sei la obriga hela iha uma ne’e, maibe sei harii tan uma foun ba modelu foun.

Iha parte seluk Deputadu bancada FRETILIN deskonfia maka’as mosu ona kolusaun, korupsaun no Nepotismu (KKN) iha prosesu harii uma ne’e, tanba kada uma gasta osan mill U$23 dollar Amerikanu la refleta ba modelu no kualdiade uma.

 Deputadu husi Bancada FRETILIN, Inacio Moreira deklara, iha sesaun Plenaria Parlamentu nasional katak, projeitu uma MDG’s fo oportunidade ba grupu kiik ida hodi buka lukru no hariku an tanba aloka osan ejazeradu.

“Bancada FRETILIN halo deklarasaun politika ne’e atu husu lalaok tomak Ajensia Dezenvolvimentu nasional (ADN) no Ministeriu Obras Publiku (MOP) ba prozeitu fiziku hudi fundus infraestrutura no supervizaun orsamentu jeral estadu multi annual, tanba uma ba povu kbiit laek (Milinium Development Goal’s) hanesan desizaun politika balun ne’ebe faila, tanba la tetu, la kuidadu, no la tuir vida konseitu social no kondisaun ekonomia TL nian, dehan nia iha plenaria (17/9).

Bankada FRETILIN konsidera uma MDG’s ne’e hanesan fo oportunidade ba grupu balun deit atu buka lukru tanba alokasaun orsamentu la tuir kalklu tekniku lolos. Inacio dehan, tuir planu osan ne’ebe governu aloka atu harii uma MDG’s hahu husi tinan 2012 to’o 2017 ho total orsamentu hamutuk tokon U$247, no iha tinan 2012 gasta ona osan tokon $14 ba kada uma MDG’s iha nia kustu osan rihun U$23.

 Nia dehan, kustu uma ida gasta kedas osan rihun $23 dolar Amerikanu ne’e ejazeradu tanba uma barak mak intrega ona ba povu maibe sei falta eletrisidade no bee mos.

 Nia mos hatutan, pior liu, uma MDG’s iha distritu balun harii tuir autoridade lokal no kontraktor nia hakarak tanba familia ne’ebe hetan uma MDG’s balun doubra, nia mos hateten, iha nasaun balun aloka osan kiik maibe uma ho kualdiade no dignu.

Tanba ne’e, Bankada FRETILIN eziji atu governu nia responsabldiade no halo investigasaun profunda tanba deskonfia iha korupsaun. Bankada FRETILIN mos lamenta uma MDG’s hetan kritik abrak ona mak PM muda politika.

“Ami konsidera muda deizaun PM nee terlambat ona maibe ami fiar katak, PM xanana bele rona no investigasaun ba autor uma MDG’s ne’e,” dehan nia.

.