“HNGV Laiha Aimoruk Ba Paska Operasaun”

.

Jornal Nacional Diario - Sesta-feira, 27 Setembru 2013

Familia husi pasiente ne’ebe mak hala’o tratamentu iha Hosiptal Nasional Guido Valadares (HNGV) lamenta tamba pesoal saude sira haruka fali familia sosa aimoruk ho naran aramador ba ema ne’ebe mak hafoin remata husi operasaun.

Pasiente ne’e opera iha parte kabun, maibe HNGV rasik laiha aimoruk aramador (anti sakit/nyeri) hodi sona nune’e haruka pasiente sira sosa iha klinika privado maibe laiha, nune’e familia hameno fila fali husi Indonesia.

 “Desde horikalan depois nia hetan operasaun laiha aimoruk aramador hodi sona, tanba ne’e nia la dukur to’o dader, i horikalan mos sira pesoal saude HNGV haruka ami sosa, nune’e ami ba buka iha klinika privadu sira ne’e maibe laiha entaun ami telefone bah au nia tiun iha Bali-Indonesia atu sosa hodi titip aviaun mai,” deklara fontes konfrimadu husi familia pasiente ne’e ba Jornalista sira, Kuarta (25/9) iha HNGV, Bidau, Dili.

Fontes ne’e haktuir, hafoin operasaun ne’e ninia alin lahatene toba, tanba laiha aimoruk aramador hodi sona tanba ne’e kuaze kalan pasiente refere la dukur to’o dader tamba moras.

Iha fatin hanesan, foontes konfirmadu ne’ebe mos nu’udar pesoal saude iha sala ne’ebe pasiente baixa rekonese aimoruk refere desde iha loron tersa ne’e kedas laiha, nune’e pasiente sira nebe halo operasaun labele sona, sira mos tenta SAMES nune’e konsege lori ba maibe kaixa ida deit, no pasiente barak, tamba ne’e sira haruka familia pasiente sosa.

“Aimoruk ida ne’e aimoruk importante ne’ebe tuir lolos labele fatin iha HNGV nein oras ida tanba ida ne’e bele halo ema labele moras hafoin halo operasaun maibe realidade laiha,” hateten pesoal saude ne’e.

 Maske antes ne’e, Direktor HNGV Dr Dominngos da Silva hateten, stok aimork iha HNGV sufisiente nune’e laiha problema, maibe realidade aimoruk importante balun laiiha no tuir realidade ne’ebe iha katak, iha kuarta feira orras lokaraik pesoal saude ballun hakilar ba malu hodi haruka telephone ba SAMES hodi lori aimoruk refere mai tamba aimoruk refere hotu ona, no pasiente refere tuir lolos nia tenki sona aimoruk ne’e dala 8 maibe tamba aimoruk refere laiha entaun sona dala 4 iha loron ida.

,