Ekipa Halo Ona Identifikasaun ba Ponte Sira Kotu Kauza Husi Udan Boot

Foto, Facebook

Jornal Independente

DILI: Ministru Obras Públika, Samuel Marçal hatete, ekipa husi Ministeriu Obras Públika no mós Instituisaun Gestaun Ekipamentus (IGE) halo ona identifikasaun ba ponte sira ne’ebé kotu kauza husi udan boot, iha loron hirak nian laran.

“Por enkuantu agora ita atu atua deit situasaun ne’e, horseik kedas ha’u orienta ona ba iha IGE, sira hatun ona instrusaun ba iha munisipiu sira ne’e para hodi atua situasaun sira ne’e iha fatin hotu”,dehan nia hafoin partisipa iha reiuniaun dahuluk Konsellu Ministru Extraordinariu, iha Palasiu Governu, tersa ne’e (04/07).

Ministru hatutan, ekipa tun ona ba terenu, IGE ho Obras Públiku iha munisipiu hotu tun kedan ba iha terenu identifika no ba ponte sira ne’ebé kotu ne’e, sira hahú ona buka dalan alternativu temporariamente.

Nune’e, Ministeriu sei hanoin ba oin oinsa atu orsamentu hodi konstrui fila fali ponte sira ne’ebé kotu.

Nia dehan, ponte ida iha Lospalos kuaze atu monu, nune’e Ministeriu tenki antisipa.

“Iha Suai iha fatin hira kedan, iha Ainaro rai halai mais ida ne’e kareta sei bele liu no balun ne’ebé kareta labele liu, ne’e ita haruka ona Obras Públika iha munisipiu ho IGE ba para halo dalan alternative atu bele asesu”,Ministru Esplika.

Entretantu, Governante ne’e haktuir, ba programa loron 120 nian, sei diskuti iha loron 05 fulan-Jullu tinan 2023 no sei aprezenta ba públiku.

Enkuantu, ba projetu sira ne’e antes ne’e paradu, Ministru Obras Públika dehan, hafoin semana ida nia laran, bainhira orsamentu iha ona, nia rasik sei ba vizita munisipiu sira ne’e hodi observa projetu sira ne’ebé mak la’o laiha kontratu no balun ne’ebé abandonado hela.DILI: Ministru Ob