Tempu aat halakon labarik nain haat iha leste hosi Timor-Leste

Lusa- Tradução Timor Hau Nian Doben

Tuir Ajensia Lusa labarik nain haat lakon hafoin bee hosi mota arrasta sira, iha leste hosi Timor-Leste, tanba tempu aat (udan no anin boot), ne’ebe akontese dadaun iha rai ida ne’e .

Protesaun Sivil dehan ba Lusa katak labarik nain haat mota arrasta sira iha zona Odufuro Luru nian, iha munisipiu Lautem, rejiaun ida ke afetadu liu ho tempu aat. 

Labarik sira ne’e, hosi aldeia Lereadu, sira fila hosi eskola no ba uma bainhira mota arrasta sira.

Ekipa Protesaun Sivil sira  iha fatin ba hatan ba emerjensia sira iha fatin balun iha Timor-Leste, ho inundasaun ne’ebe afeta família balun, ponte balun monu no luron (estrada)  balun hetan estragus boot.

Iha Manufahi, inundasaun afeta besik família sanulo, ne’ebe tenke realoja sira, iha Covalima, parte estrada entre Suai no Zumalai hetan estragu boot tanba rai monu. 

 

Iha Munisipiu Ainaro, iha Same, iha notisia katak ponte balun monu no inundasaun afeta família iha fatin balun. Equipa protesaun sivil no autoridade lokal sira fo’o tulun emerjensia, inklui realojamento (hetan fatin ba ema ke afetadutadu ba hela) no hahan. 

Tuir Ajensia Lusa entre Janeiro no Julho, ema 20 mate iha Timor-Leste tanba desastre natuais hanesan inundasaun, insendiu no deslizamento rai (rai monu), ne’ebe kauza estragus iha uma hosi ema 1.2000, tuir balansu ida hosi Autoridade Protesaun Sivil. 

Foto - Facebook