Tempu aat iha Timor-Leste hamate ema ida no uma atus tolu hetan estragus boot

Foto, Facebook

Lusa Português -  Tradusaun ba Tetun hosi Timor Hau Nian Doben 

Tuir Ajensia Lusa ema ida mate no uma atus tolu hetan estragus, balun hetan estragus boot, tanba tempu aat ke akontese iha Timor Leste desde inisiu fulan ida ne’e, ho inundasaum no deslizamentos (namdoras) ke afeta estradas, pontes, tuir autoridade lokal sira.

Anacleto Caetano,  diretor do Gabinete de Relações Externas da Autoridade de Proteção Civil (APC) dehan katak ema ke mate estudante ida ke bee arrasta nia iha munisipiu Lautem, fatin ida ke afetadu ho tempu aat.

Tempu aat halo estragus iha uma privadu sira, estradas, pontes iha munisipiu 13 iha Timor-Leste, ho família atus ba atus ke tenke hetan realojamentu iha fatin temporariu.

Ekipa protesaun sivil ho kolaborasaun ho autoridade no komunidade sira maka foo tulun inisial ba família ke sai vítima ba tempo aat, inklui fo hahan no sasan essensial (ne’ebe presiza tebes).

Iha fatin balun, nia haktuir katak, tempu aat difikulta servisu hosi ekipa apoio sira tanba estrada ke halo ligasaun ba fatin afetadu sira balun hetan estragus.

Iha Same,ponte  Avatu Kotu hetan estragus tanba bee nia forsa nune’e interrompe (hapara) saída hosi sidade ida ne’e ba Dili, no  ponte Rai-Ketan entre Suai no Zumalai mos hetan estragus parsial.