Mateus da Cruz - Timor Post
DILI(TimorPost)–Instituisaun Polisia Nasionál Timor Leste (PNTL) liu hosi Departamentu Investigasaun Kriminal (DIK), ohin asegura ona sidadaun Timor oan ho naran inisial M.J (33), ne’ebé deskonfia defama lider nasional liu hosi midia sosial facebook iha semana hirak liuba.
Suspeitu ho naran inisial M.J ne’e deskonfia nu’udár na’in bá ID facebook ‘Jonn Malic’ ne’ebé durante ne’e sempre‘tolok’ hasoru eis komandante En-Xefe FALINTIL no atuál Primeiru Ministru (PM), José Alexandre Kay Rala Xanana Gusmão, iha média sosiál facebook.
Sidadaun refere iha tuku 08:00 dadeer parte Departementu Investigasaun Kriminal ( DIK) bolu iha ninia residensia priváda iha área Mota-Ki’ik, Suku Hera, Postu Administrativu Cristo Rei, Munisípiu Díli, Segunda (10/07).no oras ne’e dadaun parte DIK halo ona identifikasaun hodi halo prosesu kontinuasaun.
Tuir informasaun ekipa mós kontinua buka tuir hela ID facebook falsu sira seluk ne’ebé maka durante ne’e sempre hasai liafuan aat hasoru Timoroan ninia lider nasionál sira iha média sosiál Facebook.
Sem comentários:
Enviar um comentário
Nota: só um membro deste blogue pode publicar um comentário.