“Mauk Moruk Sente Inosente”

.

Jornal Independente - Sesta-feira, 06 Dezembru 2013

Eis Komandante Brigada Vermelha Paulino Gama (Mauk MOruk) la konkorda atuasaun Polisia Nasional Timor Leste (PNTL) ho FALINTIL-Forca Defeza Timor-Leste (F-FDTL), tanba sente nia membru ne’ebe uza farda military ne’e inosente.

 “Hau konsidera ne’e ditadura militar, izemplu, hanesan ditadura ne’ebe uluk Adolf Hitler aplika iha Alemania, Kaisar Hirohito iha Japaun no mos Soearto iha Indonesia.

Nia konsidera atuasaun ne’e ditadura, tanba nia membru sira la halo krimi iha fatin konsentrasaun, maibe hanesan terror ida ba governu atu hadia nia servisu. “Sira (governu) tauk uza de’it forsa hodi atua tanba sira senti an halo sala duni,” dehan Mauk.

Tuir edisaun Diario ne’e, kinta horseik katak, atuasaun PNTL no F-FDTL kaptura ona membru baze de apoiu kuaze hamutuk 60 iha Distritu baucau, tanba uza farda military hodi halo movimentu, atuasaun ne’e, bazeia ba rezolusaun governu tuir kosntituisaun RDTL katak, so seguransa estadu, F-FDTL no PNTL mak iha direitu uza farda military.

Maibe, Mauk Moruk dehan, farda military ne’ebe mak sira uza ne’e mai husi farda uluk veteranus sira ne’ebe hadau husi military Indonesia.

“La’os hanesan informasaun ne’ebe espailla katak, farda ne’e mai husi rai liur, ne’e laloos, bele ba hare se polisia sira hasai ona farda ne’e bele hatudu ba publiku ne’e farda foun ka tuan,” dehan Mauk Moruk.

.