Kazu Pekulatu de Uzu Patrimonia Estadu "TDD Absolve Kornelio Gama 'L-7"

.

Notisia Husi TVTL - Segunda-Kalan, 14 Abril 2014 

Tribunal Distritu Dili (TDD) absolve Kornelo Gama "L-7" ba kazu pekulatu de uza patrimonia do Estadu tamba laiha evidensia ne'ebe forte. 

Relasiona ba kazu ne'ebe akuza husi eis Prezidenti CNE Faustino Cardozo hasoru eis deputadu Kornelio Gama alias L-7 ne'ebe deskonfia uza patrimonia estadu ba interese partidu nian iha Distritu Likisa, iha loron 30 fulan Julu tinan 2013, ne'ebe arguidu lori viatura estadu ho numeru matrikula 88-21 ba hala'o kampania eleitoral iha Distritu Likisa, hahalok arguidu nian Ministeriu Publiku (MP) akuza ho artigu 296 kodigu penal Timor-Leste, kona ba krimi pekulatu de uzu. 

 Iha akuzasaun ne'e Tribunal la hetan provas forte hodi kondena arguidu maibe Tribunal liu husi Juis Singular Sesta-feira liu ba absolve tiha arguidu husi krimi ne'ebe akuza arguidu. 

Ho desizaun ida ne'e, parte advogadu rekonese katak, ida ne'e desizaun ne'ebe justu no los.

 Entertantu, Tribunal Distrital Dili hahu iha loron 14 fulan Abril sei la hala'o prosesu audensia julgamentu tamba sei iha feira judisiariu to'o loron 21 fulan Abril hafoin iha loron 22 fulan Abril audensia julgamentu sei kontinua la'o normal.

.