"PR Preokupa Estudante Rihun Tu'ur Iha Rai"

.

Jornal Independente - Segunda-Feira, 14 Abril 2014

Hanesan nasaun barak ne'ebe sempre halo investimentu maka'as iha seitor edukasaun ne'ebe nudar seitor importante tanba bele prepara labarik sira ba futuru nasuan nian diak, Timor-Leste mos halo ona investimentu maibe nia rezultadu sei minimu tebes.

Labarik estudante barak tebes iha Timor-Leste ne'ebe sei tuur hela iha rai hodi tuir prosesu aprendizazen. Prezidenti Republika, Taur Matan Ruak, dehan antes eleitu no hafoin eleitu sai nudar xefe estadu, nia haleu Timor laran tomak no haree ona kataka labarik estudante primaria kuaze rihun mak tuir aprendizazen iha rai deit, tanba laiha kadeira no meja.

Kondisaun infra-estrutura eskola aat, la iha biblioteka no problema labarik sira ba eskola lao ain ho distansia ne'ebe dok tebes no prblema seluk tan," dehan PR Taur.

Dadus husi xefe Estadu nian ne'e, haforsa dadus ne'ebe fo sai husi Ministeriu edukasaun katak, kuaze labarik rihun 1016 mak sei tur iha rai, tanba falta kadeira no meja.

Problema ida ne'e, halo PR Taur triste, maibe nudar aman ba nasaun, xefe estadu dehan, problema ida ne'e bele rezolve neneik. Importante maka buka meus hodi lobby no dere odamatan emprezariu riku sira hodi fo sira nia apoiu ba labarik estudante sira," dehan PR Taur.

Atu responde preoklupasaun PR Taur nian ne'e, iha sesta (10/4) liuba, Rotary International husi Australia hatudu nia inisiativa no laran diak hodi fo apoia ona meja ho kadeira kontainer ida ba prezidenti hodi fahe ba eskola sira ne'ebe presiza hetan tulun.

Serimonia entrega kadeira ne'e hala'o iha eis kampu aviaun Lanud, Dili, ne'ebe asiste diretamente husi PR Taur, Primeira Dama, Isabel Ferreira, no Vice Ministra Edukasaun, Dulce Soares.

Foto de,  Presidencia da Republica de Timor Leste

Editor Foto: Paizinho Tilman
Fotógrafo: Abick Carceres — at Distrito Manatuto - Sub-distrito Natarbora - Suku Mane Hat.

.