Longuinhos Monteiro ”Komando Operasaun Konjunta Prontu Ezekuta Orden Buka Tuir Grupu Ilegal”

.

Notisia Husi TVTL - Kinta-Kalan, 09 Abril 2014

Komando Konjunta FALINTIL-Forsa Defesa Timor-Leste (F-FDTL) no Polisia Nasional Timor-Leste (PNTL) Kuarta (09/04) halao operasaun militar atu kontinua ejekuta orden operasaun ba membru Konsellu Revolusaun Maubere no CPD-RDTL ne’ebe kontinua lakohi entrega an.

Komandante Jeral PNTL Komisariu Longuinhos Monteiro apela ba komandu operasaun konjunta F-FDTL no PNTL atu iha disiplina operasaun segundu faze iha lalulai, Laga.

Komandante jeral PNTL Longuinhos Monteiro hato’o lia hirak ne’e iha serimonia ebrtura parada operasaun hakbelun konjunta F-FDTL no PNTL iha primeiru batalaun F-FDTL  sub Distritu Kuarta-feira ne’e.

“Tamba operasaun ne’e especial tuir regras operasaun ninian atu hahu, movimentu husi Dili mak sein identifika loloos iha area operasaun ho livre, tenki pasarevista,” dehan Longuinhos Monteiro.

Tuir Longuinhos MOnteiro katak, operasaun ne’e ho karakter especial maibe sei la halo impedementu ba antividades publikus ema nian.

“Operasaun ida ne’e maske trata especial maibe labele impede movimentu ba dezenvolvimentu ekonomia iha suku, maibe iha operasaun ne’e defini identifikasaun ho ninia an, tenki ho displina mak komando tatika defini operasaun, sein halo impedementu iha terenu, komandu husu atu kaer metin nafatin espiritu do Korpu ne’ebe tau iha imi nia kaba’as, ne’e imi nia responsablidade, tamba maske ita ezekuta orden ida deit no ita entegra ba regras ida deit ne’ebe mak komandu operasaun konjunta hasai,” deklara Longuinhos Mobnteiro.

Komandante PNTL ne’e afirma tan katak, enkuantu iha operasaun segundu faze mak grupu illegal sira halo reazen hasoru maka komandu operasaun konjunta sei uza forsa atu responde.

“Estadu iha nia mekanizmu ho ninia prezensa, hatudu katak estadu ne’e iha ninia obrogasaun ida, estadu ida ne’e iha ninia regras hodi nune’e ita hotu kumpri ita nia misaun, kumpri lei, wainhira ita kumpri ona lei mak ita mos sei obriga ema para kumpri lei, laiha ema ida mak atu hala’o ninia atividade la tuir lei, tenki hala’o ninia knaar tuir regra estadu ninian,” dehan tan Longuinhos.

Hakarak informa ms katak, partisipa iha serimonia abertura parada komandu operasaun konjunta ne’e marka prezensa mos husi xefe Estadu Maior Falintil- Forsa Defeza Timor-Leste Kolonel Falur Rate Laek.

,