"HAK Konsidera Rezolusaun Kaptura Grupu KRM Sala"

.

Jornal Independente - Kuarta-Feira, 09 Abril 2014

Rezolusuan ne'ene Parlamentu nasional (PN) fo sai konsidera la los, tanba rezolusaun ne'e kondena ema nia hanoin hodi konsidera grupu illegal. 

 Diretor HAK Manuel Monteiro hateten, rezolusaun ne'e atu fo deit atributu militar nian, laos kondena e mania hanoin tanba iha konstituisuan mos fo dalan ba ema atu espresa ema nia hanoin ne'ebe labele kriminaliza. 

"Konstituisaun fo liberdade ba ema hotu atu halo nia asosiasaun, tanba ne'e alegasaun ba grupu sira ne'e loos ka lae, aprezenta ba tribunal ho liberdade kaptura autor laos taka ema nia hanoin," dehan nia iha nia servisu fatin Farol, Dili horsehik. 

Nia hatutan, estadu deskonfia ema iha grupu CPD-RDTL no KRM nia kotuk, tenki investiga no kaptura hodi nune'e bele hatene lia loos. 

Tuir nia, rezolusaun ne'e deit mos sala, sa tan operasaun, tanba rezolusaun ne'e laos lei, nia refere nafatin ba konstituisaun no kodigu penal artigu 188, tanba sa mak al ezekuta kodigu penal ka konstituisaun tuir artigu 43 Alineia 3 katak, bandu ba asosiasaun ne'ebe iha kroat ho farda military. 

Nia dehan tan, loloos tuir lei, kilat ne'e instituisaun F-FDTL no PNTL deit mak iha, se grupu rua ne'e mak iha kilat, se mak fo, entaun polisia ho F-FDTL mak fo, se lae hatudu evidensia ba publiku katak, ema ne'e supoirta husi terseiru parte no investiga hodi lori ba tribunal. 

Tuir Manuel, operasaun polisia nian no baku ema ne'e violasaun direitus umanus grave, tanba abku ema iha publiku ne'e hatun ema nia dignidade. "tuir konvensaun direitus humanus internasional, ne'ebe ita ratifika ona ne'e sai hanesan ita nia ona tanba sa polisia sira la lee, sira baku em,a ne'e halo violasaun direitus umanus grave," tenik nia. 

Kona ba F-FDTL ho PNTL nian halao operasaun konjunta hasoru membru grupu rua ne'e, nia dehan, ne'e kontra lei tanba konstituisaun RDTL katak F-FDTL labele sia husi sira nia fatin sira so fo seguransa ba ameasa esternu, maibe agora ne'e situasaun la ameasa, ema lao livre hela nusa mak F-FDTL ba halo operasaun.

.