Jornal Independente - Segunda-Feira, 14 Abril 2014
Komando Operasaun Konjunta (KOK) entre FALINTIL-Forca Defeza
Timor-Leste (F-FDTL) ho Polisia Nasional Timor-Leste (PNTL) konsege
kaer membru grupu illegal Konselu Revolusaun maubere (KRM) no CPD-RDTL
hamutuk 40.
Membru grupu illegal sira ne'e hetan aker durante KOK halao ninia
operasaun ne'ebe hahu iha sesta (11/4) iha Foho Matebian.
Ofisial Polisia ida ne'ebelakohi atu publika nia naran hateten ba
Jornal INDEPENDENTE iha sabado (12/4) katak, tuir informasaun membru
husi grupu rua ne'e nian hamutuk nain 60 maibe sira kaer ona nain 40
no nain 20 seluk ne'ebe deskonfia ho kilat ne'e seidauk kaer.
"Ami kaer sira nain 40 ne'e iha foho Matebian tutun maibe besik fali
ba area baguia nian, no ami hetan informasuan husi sira katak, sira
hamutuk nain 20 mak ho armas sei halai subar hela," dehan fontes
ne'ebe hola parte mos iha operasaun ne'e.
nia dehan, ema nain 40 ne'ebe hetan aker ne'e agora iha detensaun
polisia Distritu baucau hodi hein prosesu tuir mai.
Entertantu, kona ba situasuan jeral iha Distritu Baucau nia dehan, lao
normal hela.
Laiha situasaun ruma mak afeita ba situasaun seguransa iha Distritu
Baucau maske operasaun konjunta lao hela iha Komunidade sira la senti
taukno trauma tanba sira hatene ona operasaun ne'e, dehan ofisial PNTL
ne'e.
.
Sem comentários:
Enviar um comentário
Nota: só um membro deste blogue pode publicar um comentário.