ME sei redus orsamentu ba Universidade Privadu

.

Jornal Nacional Diario - 15 de outubro de 2015

Vice Ministru Edukasaun (VME), Abel Ximenes “Larisina” informa katak, iha tinan 2016 ME sei redus ninia ajudus orsamentu husi 100% tun ba 99% ba universidade privadu sira ne’ebe maka ejiste iha Timor Leste.

“ME nia orsamentu iha tinan kotuk 100% maibe tinan ida ne’e tun ba 99% signifika katak tun ou resdus, tanba ne’e ba universidade privadu nia ajudu finanseiru ba tinan ida ne’e mos sei hatun tanba ne’e hau husu ba univerisdade privadu sira atu ho esforsu rasik para lao ba oin molok hetan ajuduema seluk,”VME, Abel Larisina deklara iha ninia intervensaun foin lalais ne’e iha Universidade da paz (UNPAZ)-Dili.

Konaba redus ajudus orsamentu ba universidade privadu ne’e parte universidade partikulares hanesan Institutu Of Bussines (IOB) nomos Universidade Oriental Timor Lorosae (UNITAL) la prekupa, tanba esforsu nafatin lori universidade ba oin.

Augusto Soares nudar reitor IOB , afirma ME redus ajudus finanseiru ou hapara fo ninia ajudus ba universidade privadu ne’e sei la sai obstaklu ba universidade privadu sira atu hakat ba oin.

“Laos obstaklu ba kada universidade atu lao ba oin, tanba kada universidade iha nia prinsipiu rasik katak, maske ho kapasidade finanseiru ne’ebe mak limitadu sei esforsu hodi kontinua lao ba oin,”deklara Augusto.

Iha fatin ketak, reitor Universidade Oriental Timor Loro Sae (UNITAL) Roberto Jeronimo afirma, planu ME atu redus ajudus finanseiru ba universidade privadu ne’e parte universidade privadu iha ona kuinesimentu.

“Laos atu redus deit maibe atu hapara duni ne’ebe universidade privadu halo ona enkontro ida ho asesor Primeiru Ministru iha Ministeriu Edukasaun hodi hasoru delegasaun universidade privadu sira hodi diskuti konaba asuntu refere ne’ebe sei iha prosesu, maibe nudar universidade privadu maske la hetan ajudus sei kontinua lao,”afirma Roberto.

Konaba kestaun ne’e tuir reitor UNITAL katak, persiza diskute klean liu tan entre Governu ho universidade privadu sira. Ola

,