Jornal Independente - Kinta-feira, 17 Outubru 2013
Estadu Unidus Amerika (EUA) no Republika Xina ho komitmentu ida atu
kombate kiak no mukit iha Timor-Leste.
Komitmentu ne’e, kuarta (16/10) halo ona anunsia formalmente entre
Timor-Leste, Estadu Unidus Amerika no Republika Xina mak sei kontribui
hodi hasa’e produtividade ai-han balun.
Entertantu, Prezidenti Republika Timor-Leste Taur Matan Ruak
kongratula tebes ho inisiativa koperasaun nasaun tolu ne’e, tuir nia
dehan, inisiativa ne’e bele hasa’e agrikultor sira nia rendimentu liu
husi produtividade.
“Projeitu entre nasaun tolu ne’e sei bele hasa’e agrikultor sira nia
rendimentu liu husi produtividade,” dehan PR Taur liu husi nia
diskursu ba KONSSANTIL iha SKD, Dili (16/10).
Tanba inisiativa hirak ne’e hatudu katak governu disponivel atu
servisu hamutuk halo parseira hodi lori ema hotu-hotu ba moris diak.
Nia dehan, parseira entre nasuan tolu ne’e hanesan ezemplu kooperasaun
diak ida hodi bele hari mundu ida ne’ebe mak diak liu hodi kombate
mukit no kiak.
Entertantu, PR Taur mos hato’o nia rekonesementu ba apoiu ne’ebe mak
Timor-Leste hetan husi parseiru dezenvolvimentu no ajesnia
espesializada nasional unidus nian.
Prezidenti mos haktuir tan katak, hasa’e seguransa ai-han hanesan buat
ida ne’ebe mak presija tebes hodi to’o ba objetivu nasional no bele
hadia nutrisaun, halakon mukit no garante populasaun sai forte no
saudavel liu tan iha nasaun doben Timor Leste.
.
Sem comentários:
Enviar um comentário
Nota: só um membro deste blogue pode publicar um comentário.