OJE 2013 Governu Foin Ezekuta 43% “Reseitas Domestika Miloens 97.9 USD”

.

Jornal Nacional Diario - Sesta-feira, 18 Outubru 2013

Hela deit fulan rua ho balun ezekusaun Orsamentu Jeral Estadu 2013 remata maibe to’o ohin loron governu foin ezekuta deit 43 porcento 43% husi total Orsamentu Estadu nebe iha biliaun 1.6 Dollar Amerikanu (USD).

Vise Ministra Finansa, Santina Cardozo ba Jornalista sira, Kinta (17/10) hatete ezekusaun orsamentu estadu ne’e foin 43 porcento tamba OJE aprova iha Marsu nune’e mos prosesu hotu iha aprovizionamentu presiza tempu ne’ebe fo implikasaun boot ba ezekusaun iha linha ministeriu sira.

“Fiar katak, projeitu fiziku hotu iha tinan 2013 nian sei finaliza hotu iha fim do Novembru mai ne’e,” afirma Santina Cardoso. Ho problema ezekusaun Orsamentu Estadu ne’e, Ministeriu Finansas halo workshop ho diretor linha ministeriais Finansa halo Workshop ho diretor linha Ministeriais iha IV Governu Konstitusional nian hodi intende situasaun ejekusaun OJE tinan fiskal 2013.

Workshop ne’ebe halo durante loron ida tomak iha salaun enkontru patriomonia Estado, Balide, Dili loke husi Vise Ministra Finansas, Santina Viegas Cardoso, ne’ebe partisipa husi diretor linha Ministeriu hotu.

Vise Ministra Finansas, Santina Viegas Cardoso, esplika Workshop ne’e oinsa atu fahe informasaun kona-ba kondisaun actual ezekusaun orsamentu husi Ministeriu ida-idak, antes atu taka konta jeral estadu nian iha loron 31 Dezembru 2013.

 Iha biban ne’e, Vise Ministra Santina Viegas Cardoso klarifika katak, reseita domestika husi Janeiru to’o Setembru 2013, hamutuk miloens 97,9 USD. Dadus ne’ebe Vise Ministra Santina Cardoso iha hatudu katak, iha tinan 2012 nian, Timor Leste hetan reseitas redomestika hamutuk miloens 136.6 USD, Vise Ministra mos informa dehan, parte Ministeriu Finansas nian, oras ne’e, ejekuta ona ninia orsamentu tinan fiskal 2013 provolta 54,7%.

.