Maijen Lere Anan Timur: “Timor Leste Laiha Krime Organizadu, FM Keta Arbiru”

.

Jornal Nacional Diario - Kinta-feira, 10 Outubru 2013 

Xefe Estadu maior das FALINTIL-Forsa Defesa Timor Leste (F-FDTL) Maijor Jeneral (Maijen), Lere Anan Timur husu atu labele traumatiza ho situasaun tamba Timor-Leste krime organizadu laihha.

 “Hau koalia kona ba krime organizadu ne’e hau laiha evidensia, atu koalia kona ba krime organnizadu, Timor laiha krime organizadu, laiha, ‘por zemplo’ sira ne’ebe sona malu tun sa’e ne’e sira be lanu ten mak sona malu, laos krime organizadu,” Maijen Lere hateten lia hirak ne’e ba Jornalista sira iha Palacio Prezidensial Aitarak laran, Sili, Kuarta (09/10), hafoin hala’o enkontru ho Prezidenti Republika, Taur Matan Ruak. Maijen Lere hatutan, droga sira ne’ebe lori tama Timor Leste ne’e liu husi dalan illegal mak tama mai, maibe laiha evidensia ida mak hatudu katak Timor Leste iha ona krime orgaizadu. 

 “Droga tama ne’e bahasa dehan jalan tikus (dalan laho) laos krime organizadu maibe ita detekta krime organizadu ne’e oin seluk, ita kuandu rona krime organizadu ne’e oin seluk, ita kuandu rona krime organizadu ita traumatiza situasaun,” dehan Lere. Tuir eis gerileiru ne’e katak, kuandu iha krime organnizadu, Timor laran la hakmatek ona. 

 “Ema ne’ebe oho malu ne’e dala ruma lanu, dala ruma hadau malu ho osan, dala ruma hadau malu feto maka oho malu laos krime organizadu, krime organizadu laos hanesan ne’e, krime organizadu ne’e Timor laran la hakmatek,” dehan nia. 

Relasaun ho peskiza ne’ebe fo sai husi Organizasaun Non Govermental (ONG) Fundasaun Mahein (MF) nian ne’ebe konsidera katak krime sira ne’ebe halo iha fulan kotuk, ne’ebe halakn Joven ida nia vida iha fatuhada, Kampo Alor inklui mos Kampo Alor inklui mos hakanek joven balun iha bairo Pite no kampuung foun (Kampung Baru, Indo) ne’e hanesan krime organizadu. Maske nune’e, Maijen Lere konsidera katak, organizasaun Sosieade sivil FM hanesan povu bai-bain tamba ne’e labele koalia mos asuntu seguransa nian tamba liu husi informasaun bele hallo trauma komunidade. 

 “Fundasaun Mahein ne’e ema povu, ema sivil ne’ebe labele mete asuntu seguransa ninian, sira nonok, kuandu la hatene, la domina situasaun diak liu lalika koalia para traumatiza para hallo tauk ita nia populasaun,” Lere afirma. Komandante F-FDTL ne’e dehan, FM laiha esperensia militar, tanba ne’e labele koalia kona ba asuntu segurans ano defeza maske husi estudu liu husi matenek ne’ebe iha maibe kuandu koalia kona ba krime organizadu ne’e FM mos la tur hakmatek. 

Tamba ne’e, Maijen Lere husu ba FM atu bele koalia ho asuntu ne’ebe mak FM domina labele koalia arbiru, no diak liu nonok iha asuntu seguransa nian para labele instabiliza situasaun.

Nota do blogue:  Não tem crime organizado, Sr. General? Por amor de Deus, tem...tem...No governo e no Parlamento Nacional! GENOCÍDIO DO POVO DE TIMOR-LESTE, é o crime que eles cometem, todos os dias, nas " barbas" de todos, à descarada e ninguém diz nada, nadinha...Estão organizadíssimos há muitos anos... Ainda há umas semanas ROUBARAM ao povo timorense um milhão de dólares, para darem aos " malaes mutins" e enquanto isso, o nosso povo morre de fome, miséria e falta de assistência médica. Até veio nos jornais e houve festa com pompa e circunstância... O maior cego é aquele que não quer ver...E é esta desigualdade e injustiça que é a causa de toda a instabilidade em Timor-Leste - uma bomba-relógio pronta a REBENTAR! Zizi Linda.

 .