Jornal Independente - Kinta-feira, 17 Outubru 2013
Membru Bankada FRETILIN, Deputadu Francisco Branco hateten, governu
dahuluk iha ona dekreitu lei, ne’ebe aforsa tan iha tempu Governasaun
Aliansa Maioria Parlamentar (AMP) hodi kria sirkular atu regula
utilizasaun kareta estadu no regra servisu iha administrativu estadu.
“Sira (Fungsionariu publiku) hatene lei ne’e, maibe nunka iha ema ida
halo tuir, ne’e duni, investigasaun ne’e diak no importante,” tenik
nia iha uma fukun PN (16/10).
Tuir nia, presiza KFP implementa dekreitu lei no sirkular ho
kontinuasaun rigrozu hodi regula funsionairu sira atu tuir lei serviu
no uza kareta estadu.
“Ita haree implementasaun dekreitu lei ne’ebe KFP halo atu provizoriu
deit ka kontinua regula funsionariu publiku?,” dehan Branco.
Nia dehan, investigasaun no regulamentu KFP tenke halo duni, tanba
implikasaun barak liu ba kustu estadu nian hanesan, konvustivel no
manutensaun ne’ebe fo impkatu boot ba OJE, liu-liu Fundu Mina-rai.
Nune’e, nia husu ba KFP atu investiga no kontinua halo check point
regular hodi hatene funsionariu ne’ebe kontinua uza kareta estadu laos
oras servisu.
.
Sem comentários:
Enviar um comentário
Nota: só um membro deste blogue pode publicar um comentário.