“FRETILIN Ejizi Implementa Planu Urbanizasaun”

.

Jornal Nacional Diario - Tersa-feira, 09 Outubru 2012 

Governu actual ne’ebe lidera husi Primeiru Ministru Kay Rala xanana Gusmao, tenki implementa planu urabanizasaun ba kapital Dili ne’ebe sai imazen ba nasaun Timor Leste. 

Deputadu opozisaun bancada FRETILIN, Francisco Miranda Branco hateten katak, sidade Dili seidauk iha Planu urbanizasaun ne’ebe diak, nune’e fo impaktu ba populasaun hela arbiru de’it. 

“Governu presiza tau perioridade ba planu implementa urbanizasaun atu nune’e ita hadia no halo didiak ita nia sidade, tamba ami konsidera to’o ona tempu implementa plnau ne’e,” dehan Branco iha PN, foin lalais ne’e. nia hatutan katak, sodade moos tenki iha espasu ba fatin rekresaun, atu nune’e komunidade ne’ebe hela iha sidade bele goza avontade moris ne’e. nia mos hatutan tan katak, Governu tenki hahu agora, tanba iha tinan lima nia laran, laos tempu badak.

 Iha fatin seluk, Domingos de Oliveira hanesan komunidade preokupa maka’as ba Governu actual ne’ebe to’o agora seidauk implementa planu urbanizasaun capital, no tuir nia sidade Dili agora sai fali sidade sabraut kompara ho nasaun seluk. 

Lia hanesan mos hato’o husi Natalino Viegas katak, atu maneija kapital ne’e sai furak no iha urbanizasaun ne’ebe kapa’as, governu presiza halo estudu viabilidade para implementa planu ne’e tuir faze pur faze. 

.