Jornal Nacional Diario - Kuarta-feira, 16 Outubru 2013
Asosiasaun Combatentes no veteranus ba Luta Libertasaun Nasional Timor
Leste (ACVLNTL) preokupa ho situasaun rai laran ne’ebe iha indikasaun
ezisti dadaun ona krime organizadu, tanba ne’e veteranu deklara pronto
atu apoiu Polisia liu husi Konselu Polisia Komunitariu (KPK) atu haree
situasaun jeral hanesan tranzaksaun, konsume droga, inseguransa no
dezharmonia social iha rai laran.
“ACVLNTL apela ba membrus no asosiasaun tomak inklui mos kombatentes
no veteranus atu apoiu seguransa iha ida-idak nia bairu,” dehan Porta
Voz ACVLNTL, Francisco Asis ba jornalista sira, Segunda (14/10) liu
husi konferensia imprensa iha sede ACVNTL Bairos dos Grilos, Dili.
Francisco hatutan katak, nu’udar kombatentes no veteranus labele hein
deit apoiu husi governu, maibe importante liu mak kontribuisaun, ema
ida-idak mak tenki forte nafatin atu tau matan ba estabilidade nasaun
ida ne’e.
Francisco dehan, kombatentes no veteranus hamutuk 4,349 iha Distritu
Dili, labele toba dukur, maibe tenki matan moris no neon nain atu
hader bei-beik hodi se tilun ba situasaun rai laran para bele apoiu
defeza no seguransa ba informasaun ne’ebe la diak ho kria
instabildiade iha rai laran.
.
Sem comentários:
Enviar um comentário
Nota: só um membro deste blogue pode publicar um comentário.