Jornal Independente - Tersa-feira, 07 Janeiru 2013
Maijor Jeneral FALINTIL-Forca Defeza Timor-Leste (F-FDTL) Lere Anan
Timur deskonfia familiarizmu mosu iha prosesu distribuisaun formulariu
rekrutamentu membru F-FDTL foun iha tinan 2014.
Nia fiar isu ne’e mosu duni, tanba hare husi mentalidade Timor-oan
sira seidauk bele hadook an husi hahalok aat ne’e.
“Hau rona joven balun hato’o mai hau katak, ami nia formulariu ne’e la
to’o ba sira, fo deit ba liurai sira nia familia ne’e dala ruma loos,”
hateten Lere ba Jornalista sira iha Atauro, sesta (31/12).
Formulariu ne’ebe mak hasai kada suku iha teritoriu tomak hamutuk 50
hodi joven sira bele priense.
“Hau la fiar formulariu 50 ne’e joven 50 iha suku ida ne’e apto ba
milirtar hotu,” dehan Lere.
Maski formulariu hasai barak ba kada suku, maibe dehan komandante
Lere, iha tinan ida ne’e presiza deit ema nain 500 ba membru F-FDTL.
Formulariu ne’e fo sai ona kada suku iha loron 23 fulan-Novembru tinan
kotuk (2013) no sei hatama fali iha fulan janeiru tinan ida ne’e
(2014).
.
Sem comentários:
Enviar um comentário
Nota: só um membro deste blogue pode publicar um comentário.