.
Jornal Independente -Kinta-feira, 30 Janeiru 2014
Ministru Obras Publikas (MOP) Gastao Sousa ho nia Sekretariu Estadu
Luis Rodrigues kontinua haksesuk malu tanba projeitu emerjensia ne'ebe
fo ba kompania sira la iha kordenasaun.
Ironiku liu, Ministru ne'ebe iha responsablidade institusional ezije
fali ba nia sekretariu estadu atu selu rasik divida, tanba porjeitu
emerjensia ne'e sein kontratu.
Pior liu tan halo Ministru Gastao ne'e hitus, tanba projeitu
emerjensia ne'e laiha kordenasaun ho nia no la lao tuir normas ka la
tuir prosedimentu legal.
Maibe Sekretariu Estadu Obras Publiku (MOP) Luis Rodrigues konsidera
projeitu emerjensia ne'e tuir prosesu legal, tuir nesesidade
emerjensia nian, ne'e la'os emerjensia naran hanesan uluk deit liu
husi prosesu legal ne'ebe konsulta sira halo levantamentu, halo
dezenho no BoQ.
Iha tinan kotuk (2013) Sekretariu Estadu Obras Publiku (SEOP) konstroi
divida ho montante orsamentu millaun dollar Amerika.
"Kontratu laiha sei la seluk ida ne'e deit," hateten Ministru Gastao
Sousa foin lalais ne'e iha PN.
Nia hatutan katak, orsa ne'e Timor Leste ukun-an tinan 10 resin ona,
ne'ebe atu halo servisu iha formas no prosesidente atu halo tuir
konforme tuir sira nia hakarak.
"Ita ukun an tinan 10 ona tenki la tuir formas, labele halo arbiru
deit konforme ita nia hakarak, se kontratu iha Ministeriu seluk,"
hateten MOP Gastao.
Projeitu emerjensia ne'ebe durante ne'e hala'o husi kompania sira halo
konsorsiu, nia dehan, SEOP tenki responsabliza tanba nia mak fo
projeitu emerjensia ne'e.
"Se mak fo projeitu emerjensia ba sira halo, husu ba nia," nia hateten.
Gastao hatutan, koordenasaun tenke iha, tanba hanesan responsavel iha
Ministeriu buat hotu-hotu nia tenke hatene saida mak halao iha
Ministeriu nia larana.
Maski nune'e, nia dehan, divida ne'ebe SEOP halo la fo impaktu ba
orsamentu tanba divida ne'e rasik, la tama iha Orsamentu Jeral Estadu
(OJE) tinan ne'e.
.
Sem comentários:
Enviar um comentário
Nota: só um membro deste blogue pode publicar um comentário.