Moras Rins Ataka; “Asanami Tama HNGV”

.

Jornal Nacional Diario - Kinta-feira, 09 Janeiru 2013 

Ministro Agrikultura no Peskas (MAP), Mariano Asanami sabino loron tolu ona baixa iha sala VIP Hospital Nasional Guindo valadares (HNGV), tanba hetan moras rins. 

Direktor Interinu HNGV, Francisco do Rego informa, Ministro Mariano Asanami Sabino tama iha HNGV iha Domingo kalan no oras ne’e dadauk sei kontinua baisa iha sala VIP Numeru 1. 

“Ministro mai iha ne’e tanba moras rins, maibe la’os grave, nia presiza deskansa barak no hetan tratamentu intensivu husi doutor sira nune’e bele diak lalais,” informa director Interino HNGV ba Jornalista sira iha HNGV Bidau (8/10). 

Nia hatutan, durante loron tolu ne’e Ministru hetan mudans oituan ona, maibe sei hein junta mediku no Dr. Bismail neebe durante ne’e atende Ministru, se tetu ba mai mak la diak posiblidade rujukan ba iha rai liur. 

“Konforme nia kondisaun, se haree mak nia kondisaun diak ona ita bele haruka nia alta, maibe karik sidauk entaun nia bele kontinua iha ne’e lai para hetan atendementu,” dehan nia. 

Maibe pesoalmente, Direktur HNGV ne’e afirma, nia senti MAP presiza hetan rujukan ba iha rai liur, tanba hare ba ita nia ekipamentus ne’ebe ladun favorese. 

“Maibe ami hakarak hateten deit ba ita boot sira katak junta mediku nia misaun to’o iha dia 31 de Dezembru tamba ne’e ami konselhu tenke hare ida ne’e, maibe mos depende ba junta mediku se dehan presija transfere entaun ami tenke haree mos,” dehan nia. 

Tuir observasaun jornalista diariu ne’e iha fatin refere, kolegas, amigus i deputadus hudi bancada PD, CNRT no mundaca troka malu vizita ba iha sala VIP numeru 1 hodi hare diretamente kondisaun MAP nian.

.