Eis Membru CPD-RDTL Saelari Lakohi Entrega Atributu...

.

Notisia Husi TVTL - Kinta-Kalan, 20 Marsu 2014

...Tenente Kolonel Maubuty Ezizi Kopera Ho Estadu No Seguransa

Eis Membru CPD-RDTL iha Saelari la entrega farda militar ba PNTL no F-FDTL, tamba farda hirak ne’e hanesan rekordasaun husi tempu rezistensia.

Iha kinta-feira semana ne’e eis membru grupu CPD-RDTL atu entrega frada militar ba Polisia no F-FDTL iha saelari, maibe membrus hirak ne’e la kohi entrega ho razaun ida katak, farda ne’e hanesan istoria rezistensia Timor-Leste nian.

“Farda ne’e hanesan rekordasaun iha tempu funu nian hodi fo honra ba sira, laos atu hasai fali farda hanesan autor ruma,” dehan Eis membru CPD-RDTL.

Hata’an ba kestaun ne’e, Tenente Kolonel Maubuty hateten, so militar no Polisia deit maka bele hatais farda militar hodi hala’o servisu.

“Hatais farda ne’e la’os honra karik onra ne’e iha loron buat ruma hau atais farda iha serimonia ne’e para ema bele fo honra bah au, la presiza hau hatais fali farda militar para lao komunidade nia leet, Apartir husi oin ba ohin hanesan sidadaun baibain ona, tenki kontribui ba estabildiade no seguransa” dehan Maubuty.

Polisia hasai mos obrigatoriu Bandeira Nasional Timor-Leste no Bandeira Partidu FRETILIN, inklui mos bandeira FALINTIL iha sede CPD-RDTL Saelari nian.

Iha parte seluk, komandante komponente trestre Alberto dos Santos hateten, oras ne’e luta para povu moris diak, tamba ne’e populasaun tenki kopera diak ho Polisia no militar hodi kria estabildiade iha rai ida ne’e.

,