SAGRADA FAMÍLIA - PRESS RELEASE

.

ORGANIZASAUN SAGRADA FAMILIA DIRASAUN : FATUHADA-DOM ALEIXO-DILI
NO .CONTACTU (670): 7723 7837 NO : 02/OE/OSF/III/2014

Organizasaun Sagrada Familia (OSF) nudar organizasaun Rezistensia nebe kontinua ejiste, no registo tiha ona iha dirasaun Nasional do Registos I de Notariado do ministerio da Justica no Cumprimento do Previsto no artigu 54.º decreto Lei no.5/2005 ho objektivu hametin independensia, unidade nasional, Paz no demokrasia iha timor Leste.

Hakarak hato’o ami nia observasaun no rekomendasaun konaba situasaun aktual iha rai laran maka hanesa tuir mai ne’e :

Bazeia ba situasaun iha rai laran ami observa katak:

1. Organizasaun sagrada familia (OSF), respeita resolusaun nebe Parlamento Nasional (PN),hasai iha loron 03/03/14, maibe ami lamenta tebes-tebes maneira no Linguazem nebe membros distintu Deputadus balun uza hodi halo Provoka no Prejudika tensaun konflitus iha sosiadade nia laran. Liu-liu liafuan nebe Generalija Veteranus no Organizasaun Rezistensia tomak hanesa fali ema a’at kontra Estadu. Nudar organizasaun funu nia, ami la kompriende tamba Parlamento Nasional-PN foin bele halo Resulusaun ba CRM no CPD-RDTL, ho rajaun tamba deit deklarasaun iha Media kontra Estado. Ita akompanha dala barak ona katak Demonstrasaun barak,no liafuan Politika barak hasoru Governu no Parlamento durante ne’e, maibe laiha Resolusaun ruma atu kondena sira.

2. Sr. Cornelio da Conceicao Gama alias Komandante L7, la hola parte iha Estrutura CRM (Conchelu Revolusaun Maubere), maibe tan deit relasaun Familia hanesan maun rasik ho Sr. Mauk Moruk, hetan mos kondenasaun no kapturasaun.Tuir faktus nebe ami asisti durante ne’e Sr. Cornelio Gama “L 7”nia estetmentu ba publiku sempre husi ba ema hotu atu garante Justica, Paz no estabilidade.L7 mos sempre propoin atu Sr. Mauk Moruk no Sr. PM Xanana Gusmao tur hamutuk atu rezolve diferensia ideias nebe ke sira iha durante ne’e. L7 mos halo esforsu nia an tomak hodi koalia ona ho General F-FDTL no Presidente da Republika buka dalan ruma atu lideres nain rua ne’e tenke tu’ur hamutuk hodi rezolve diferensias ideais.Tan ne’e kondensaun nebe fo sai ona presija revee fali no halo investigasaun klean/profundo molok halo kondensaun atu apresenta an periodikamente.

3. Organizasaun Sagrada Familia (OSF) mos la menta tamba prosesu dialog entre Sr. PM Xanana Gusmao no Sr. Mauk Moruk laiha kontinuasaun, maibe troka fali ho resolusaun no atuasaun polisia hanesan ita asiste iha media ikus-ikus ne’e.

4. OSF mos la menta katak prosesu diferensia politiku lideres maksimu rezistensia nia durante ne’e sei dauk rezolve ho diak no lideres sira la hatudu vontade atu tu’ur hamutuk hodi resolve sira nia problema, maibe kria fali forsa politiku atu kontra malu. Tamba buat hirak ne’e loron ikus sei fo todan deit ba gerasaun foun nebe tuir mai, no ba nasaun nia Vida.

Rekomendasaun: 

Bazea ba iha faktus hirak nebe ami hato’o iha leten,tuir mai ami rekomenda; Ba Instituasaun konpetenses sira maka hanesan tuir mai;

1. Husu ba sua.Excª Presidente da Republika atu uza ninia kompetensia tomak hodi promove nafatin Dialogo hodi rezolve problema diferensias ideias entre Veteranus durante luta24 anus iha ai laran, atu klarifika/hatu’ur historia nebe lolos no momos atu nune’e la bele fo todanfali ba gerasaun foun iha futuru.

2. Husu ba Deputadus sira neberepresenta povu iha Parlamentu Nasional, atu uja linguajem nebe nebe konstrutivu, edukativu no laos eksklui grupo balun liuliu entre ema resistesia. Nasaun ita hotu hamutuk mak ita liberta ona, tan ne’e ita hamutuk nafatin mak bele lori povo ba moris diak.

3. Husu ba lideres funu nian nebe sai iha diferensas politiku ka problema ruma atu tur hamutuk daudaun ona no resolve imi nia problema ho laran kama’an, tamba uluk iha susar nia laran ita bele hamutuk tansa iha tempo rai diak ita labele tur hamutuk atu koalia hanesan maun ho alin. Nune’e nafatin karik saudozo sira nebe mate ona mos sei lakontente ho situasaun nebe ita kria ikus-ikus ne’e. saudozo sira nebe mate atu ita moris ne’e bele hamutuk hodi kaer nasaun ne’e ba oin, laos kontra malu, atu estraga malu fali.

4. Husu ba orgaun soberania sira seluk atu respeita no hakruk ba independensia orgaun justica, atu nune bele garantia lei no ordem, no husu ba orgaun judisiariu, atu halo sira nia knar ho imparsialidade no tuir lei Deit nebe hateten hodi garante justica nebe justu ba ema hotu.

5. Husu ba intitusaun PNTL atu tane as Lei no Ordem atu servicu Profesional hodi garante Siguranca ba Povu no Nasaun. No husu ba Policia atu hasai Iformasaun ruma tuir Faktus no realidade nebe akontece iha terenu, labele aumenta informasaun nebe fo beneficiu ba grupu balun I halo paniku ba povu.

6. Husu ba estrutura no membros organizasaun Sagrada familia (OSF) iha timor laran tomak, atu hakmatek no fo kontribuisaun ba Paza,Justica no estabilidade, husu atu fo konfianca no rona nafatin orietansaun husi Lideranca Nasional Sagrada Familia (OSF) hanesa uluk iha tempo rezistensia, atu nune labele monu ba iha lasu/manobra politiku husi ema seluk.

7. Husu ba organizasaun resistensia hotu-hotu atu contribui nafatin ba justisa Paz no estabilidade iha rai laran.

 8. Dala ikus AMI LOUVA NAFATIN Sr. Mauk Moruk nia Orientacoes nebe fo sai ba Publiku katak, contribui nafatin ba Paz estabilidade no Lia Loos.

OBRIGADO WAIN.

VIVA POVU MAUBERE!VIVA FALINTIL!VIVA TIMOR LESTE !VIVA SAGRADA FAMILIA!

DILI,17 DE MARCU DE 2014

ANDRE DA COSTA BELO “ L 4 “ - RESPONSÁVEL  MAXIMU DA ORGANIZASAUN SAGRADA FAMILIA

,