Jornal Independente - Kinta-feira, 13 Marsu 2014
Lei deklara rikusoin ne'ebe Komisaun Anti Korupsaun (KAK) aprezenta ba
Parlamentu nasional (PN), sei obriga membru governu no diretor jeral
sira atu deklara rikusoin iha Tribunal Rekursu (TR).
Adjuntu Komisariu Komisaun Anti Korupsaun, Manuel Bucar hateten, atu
preve rikusoin sa'e derepenti, lei ne'ebe KAK aprezenta ba komisaun A
PN katak, membru titular sira depois asina mandatu atu assume kargu
publiku iha dever hato'o deklarasaun rikusoin.
"Ita haree Diretor Jeral no Diretor nasional iha knaar boot ba
administrasaun finansas nian, tanba sira la deklara rikusoin dala ruma
ita haree katak, ema barak mak kestiaona, tanba balun iha kareta rua
no tolu, balun iha uma luxu, dehan nia iha uma fukun PN, horseik.
Atu evita buat hirak ne'e hotu, KAK halo diskusaun ho komisaun A PN,
ne'ebe konstrutivu tebetebes atu lei ne'e sai ema hotu-hotu ninia
interese nasional atu bele halo justifikasaun ba sira ninia rikusoin.
"Riku mos ema la ho dalan loos, ida ne'e mak sai hanesan buat KAK
ninia servisu atu halo investigasaun, atu nune'e, ema hotu-hotu bele
sente atu hetan benefisiu ruma husi dalan loos neneik sei deksobre,"
tenik Komisariu Bucar.
Nia hatutan, ezbosu lei ne'e, liga liu ba funsionariu estadu no orgaun
titular, maibe seitor privadu sira lei seidauk fo kompetensia ba KAK.
"Ema hanesan diretor baibain hela derepenti iha buat hotu-hotu, it
abele deskonfia katak, sasan sira ne'e mai husi ne'ebe, sei iha
indikasaun korrupsaun fasil ita atu deskobre," nia hateten.
.
Sem comentários:
Enviar um comentário
Nota: só um membro deste blogue pode publicar um comentário.