Primeiru Ministru (PM) Kay Rala Xanana Gusmao sente hakfodak oituan
bainhira rona informasaun katak, Provedor Sebastiao ho nia adjuntu
nain rua mos husu pensaun vitalisia ba Parlamentu Nasional.
"Haa.....PDHJ husu direitu ba saida? ne'e hau lahatene, imi (Jornalista)
husu ba Parlamentu nasional sira mak hatene liu, laos hau," dehan PM
Xanana hodi responde ba pergunta jornalista iha aeroportu Komoro,
Dili, sabadu (23/03).
Hafoin rona tiha pergunta ne'e, PM Xanana husu fila fali informasaun
ne'e ba Sekretariu Estadu Komunikasaun Sosial (SEKOMS), Nelio Izak
Sarmento nebe akompania nia iha pres konfres hodi klarifika pergunta
Jornalista nian.
Iha fatin ketak, Alarico Daitula Junior nudar Saudozu David Alex nia
oan, konsidera Sebastiao hanesan ema matenek ida maibe la sukat buat
ne'ebe laos ninia direitu atu hetan.
"Hau hare buat difisil lubuk ida ema seluk halo tiha ona iha pasadu
maibe la husu sira nia direitu hanesan Sebastiao husu ne'e, hau
konsidera hanesan kanteng ba osan mak husu pensaun vitakisia," dehan
Alarico ba INDEPENDENTE iha Bidau, Sesta (21/03).
Nia dehan, diak liu lideransa PDHJ haree didiak lei tiha mak husu
pensaun vitalisia, laos husu tuir nia gostu de'it.
.
Sem comentários:
Enviar um comentário
Nota: só um membro deste blogue pode publicar um comentário.