“PNTL Seidauk Simu Notifikasaun Kaptura Mauk Moruk”

.

Jornal Nacional Diario - Kuarta-feira, 12 Marsu 2014

Polisia Nasional Timor-Leste (PNTL) seidauk bele kaptura lideransa grupu Konsellu Revolusaun Maubere (KRM) Paulino Gama ‘Mauk Moruk’ tanba seidauk iha notifikasaun husi orgaun kompetente.

Polisia servisu bazeia ba lei, Polisia labele hakat liu fali orden ne’ebe mak simu, razaun seidauk kaptura Mauk Moruk tanba Polisia rasik seidaun simu notifikasaun ruma kona ba atu kaptura lideransa grupu KRM nian ne’e.

“Ita iha pais demokratiku, ita iha Tribunal, ita iha lei, polisia servisu bazeia ba lei no ordem, ita la’os labele kaer, maibe seidauk iha notifikasaun ruma husi tribunal ka Ministeriu Publiku (MP),” hateten komandante Operasional nasional Polisia, Superitendenti Xefi Armando Monteiro ba Jornalista sira iha Kuartel jeral PNTL Caicoli, Dili Tersa (11/03) horsehik.

Nia hatutan, Polisia kuandu hapara ema ida ka kaer ema ida bazeia ba provas no bazeia ba despaisu husi orgaun kompetenti.

“Ami ejekuta deit rejulusaun PN katak, hapara grupus ilegais hotu ne’ebe mak fo ameasa ba estabilidade nasional atu kaer ema ida ne’e seidauk iha despaisu,” tenik Armando.

Armando dehan tan, kona ba kaer Mauk Moruk la’os Polisia la bele, maibe tamba deit Polisia tenki tuir prosedur ne’ebe mak iha, labele hakat liu fali lei ho orden.

 ,