PR Taur Matan Ruak: Pension beneficiaries “Veterans and Elderly Have Become Lazy”

.

Jornal Nacional Diario 29.10.12 

Head of State Taur Matan Ruak said that, pension beneficiaries such as veteranos and elderly, are becoming lazy after receiving pensions from the government, because they just stop doing any work. 

“You sleep, guaranteed payment from the state so that you do not have to work, and I have said to them, sometime I will tell the government to stop paying out money, because when they give you money it makes you all lazy,” Head of State Taur Matan Ruak said in his speech to the Democratic Governance Forum organized by The United Nations Integrated Mission in Timor-Leste (UNMIT) held at the President Nicolau Lobato Presidential Palace in Ai Tarak Laran, Dili last Wednesday. 

With this in mind, Taur Matan Ruak explained that the State already had it in mind to tell the government to repeal these pension programs. 

 “I will speak with the government to cease payment of these moneys one day,” Taur Matan Ruak said. 

Taur Matan Ruak affirmed that the beneficiaries of these pensions from the state, just sleep all day guaranteed of a pension and no longer want to plant maize, plant rice, gamble day and night just waiting for the state’s money. 

 “Whenever I go to the districts, I see veterans and former combatants receive this money, the old men receive this money, they don’t plant maize, don’t plant rice, gamble night and day, I tell we have all already died,” Taur Matan Ruak added. 

 The Head of State explained, “In the past during wartime, everything was easy for us to do, but now everything is difficult for us to do, because in the past it was all of ours collectively but now it is ours individually instead. 

 Why is it that things are more difficult now? In the past during the war we could do anything and now it is all so much harder. It is harder because in the past we spoke of ours, now we speak of me, mine,” Taur Matan Ruak said. 

With this Taur Matan Ruak asked pension recipients and everyone to work hard. The Head of State went further saying that currently Suco Chiefs are also demanding a salary. 

“Those Suco Chiefs who are lazy, should not have an increase in their subsidy payments,” Taur said. 

He added that from now on it is time to work hard so that the people can feel that local leaders, the state and government are really concerned about their lives, which right now is still of poverty and misery.

.

Simu Tiha Subsidiu; “PR Taur: Veteranus No Idozus Sai Baruk Ten”

.

Jornal Nacional Diario, 29 Outubru 2012 

Xefi Estadu Taur Matan Ruak hateten katak, benefisiarius hanesan veteranus no idozus (Ferik no katuas sira), depois simu tiha subsidiu husi governu, sira sai baruk ten fali, tanba la halo ona servisu. 

“Imi toba, garantida hein estadu fo imi la servisu, i hau hateten ba sira, dala ruma hau hateten fali ho governu para labele fo osan, fo osan ba imi halo imi sai baruk ten hotu,” dehan xefi Estadu Taur Matan Ruak, iha nia diskursu, wainhira partisipa iha Forum Governasaun Demokratiku ne’ebe maka realiza husi United Nations Missiona Integred Timor (UNMIT), iha Palasiu Presidensial Prezidenti Nicolau Lobatu, Aitarak-Laran, Dili, Kinta-feira, foin lalais ne’e. 

Ho ida ne’e, Taur Matan Ruak esplika, Estadu iha ona hanoin ida atu fo hatene ba governu para halakon tiha programa fo subsidiu ne’e. “Dala ruma hau koalia fali ho Governu para labele fo osan,” dehan Taur Matan Ruak. 

Taur Matan Ruak afirma katak, benefisariu sira ne’ebe hetan subsidiu husi estadu, toba tiha ona garantia subsidiu maibe lakohi ona halo to’os, lakohi ona halo natar, loron kalan maka joga hodi hein de’it estadu.

 “Hau horibainhira ba Distritu sira, i veteranus antigus kombatnete sira simu osan, katuas sira simu osan, to’os la halo, natar la halo, loron kalan joga, hau dehan ba sira ita mate hotu ona,” Taur Matan Ruak haktuir. 

Xefi Estadu ne’e esplika, “Uluk iha funu larana, buat hotu fasil ba ita atu hala’o, maibe agora buat hotu difisil ba ita, tamba uluk ita nian hotu maibe agora ita mesak nian fali, tam saida mak agora difisil liu, uluk iha funu it abele halo buat hotu i agora difisil liu, difisil liu tamba uluk ne’e ita koalia ita, agora ne’e ita koalia hau, hau nian,” hateten Taur Matan Ruak.

Ho ida ne’e, Taur Matan Ruak husu ba benefisariu sira no ema hotu-hotu tenki servisu maka’as. Xefi Estadu ne’e mos hatutan tan katak, oras ne’e dadaun xefe Suku sira mos komesa ona ejiji salariu.

 “Xefi Suku sira ne’ebe mak baruk ten, labele aumenta sira nia subsidiu,” hateten Taur. Nia hatutan, agora ba oin tempo ona atu servisu maka’as para que povu bele senti katak, liderans alokal, estadu no governu preokupa duni ba sira nia moris ne’ebe mak ohin loron sei mukit no kiak. 

.

“Veteranu Hadau Malu Projetu, eletrisidade Balibo Atrazadu”

.

Jornal Independente - Kinta-feira, 18 Outubru 2012 

Veteranu sira iha Sub Distritu Balibo, Distritu Bobonaro hadau malu projeitu instalasaun eletrisidade, situasaun ne’e, difikulta povu iha area ne’e, tanba to’o agora prosesu instalsaun iha area ne’e to’o agora seidauk la’o. 

 Komunidade Balibo ne’ebe lakohi publika nia identidade hateten, projeitu instalsaun eletrisidade iha Balibo to’o agora iha fatin barak seidauk realiza, tanba veteranu sira hadau malu projeitu ne’ebe goevrnu oferese. 

“Ami seidauk asesu eletrisidade agora, tanba veteranu sira hadau malu projeitu hodi impede prosesu ne’e, dehan komunidade husi via telefone horseik."

 Deklarasaun ne’e reforsa husi Administrador sub Distritu Balibo, Paulo dos Santos, tuir nia prosesu harii airiin no instalsaun fiu iha suku barak mak seidauk remata tamba veteranus sira hadau malu hodi nune’e afeta ba komunidade sira, tamba ne’e komundiade eizi ba governu atu aselera lalais prosesu ne’e. 

 “Hau rona informasaun ne’e husi manajer EDTL Distritu Bobonaro iha Maliana dehan, batugade mai balibo labele lakan lai tanba veteranu sira hadau malu,” dehan Administrador Sub Distritu ne’e iha Dili, (17/10). 

Ba kestaun ne’e tuir nia, populasaun sira eziji ba lideransa sub distritu refere atu informa ba governu sentral hodi aselera lalais projeitu ne’e, tanba povu kiik sira konsidera administrador bosok povu. 

.

“FRETILIN Eziji Halakon Veteranu Falsu”

.

Jornal Independente - Segunda, 15 Outubru 2012 

Membru Bancada FRETILIN husu atu verifika loloos dadus veteranus sira atu labele kontinua mosu veteranu falsu ba futuru, iha tinan 2009 governu desidi ona atu verifika veteranu sira ne’ebe rejistu iha 2009 liuba.

 Deputada, Josefa Pereira hateten, FRETILIN konkorda governu valoriza veteranu sira, maibe labele politiza veteranu hanesan astudu politika, tuir loloos problema veteranu governu rezolve dala ida de’it. Josefa, mos la konkorda veteranu falsu balun ne’ebe hetan ona valorizasaun medala kondekorasaun no pensaun, maibe ikus identifika nuudar veteranu falsu. 

Tanba ne’e, tenki verifika loloos, atu nune’e, problema veteranu falus labele kontinua mosu ba futuru hodi estraga veteranu seluk ne’ebe merese atu valoriza, maibe to’o agora seidauk hetan valorizasaun. “Sira veteranu falsu la merese, maibe simu tiha osan no simu tiha medalla no gasat tiha,” dehan Josefa iha PN foin lalais. 

 Ba kestaun ne’e, Sekretariu Estadu Antigu Kombatentes Libertasaun Nasional (SEKLN), Julio Sarmento “Meta Malik” hateten, tinan oin governu sei verifika dadus veteranu ne’ebe rejista iha tinan 2009 hamutuk rihun 150. “2013 sei hamosu Konselu veteranu atu bele verifika santu propriu data (Veteranu) bele hetan edital vensimentu nian,” dehan nia iha uma fukun PN foin lalais. 

 Total veteranu sira ne’ebe simu ona pensaun husi estadu, hahu inisiu to’o agora hamutuk kuaze rihun 18. 

.

Rezolve Problema Veteranus:“PM Xanana Husu Veteranus Organiza-an”

.

Jornal Nacional Diario - Kuarta-Feira, 19 Setembru 2012

Primeiru Ministru Kay Rala xanana Gusmao, husu ba veteranu sira atu ba oin tenki organiza-an, bainhira hakara eziji kona ba sira nia diretu, tanba ho nune’e deit maka bele fasilita Estadu no Governu atu tau matan hodi resolve sira nia problema ne’ebe mak durante ne’e sira infrenta.

 

“Veteranu sira iha diretu atu eziji sira nia direitu, maibe tenki organiza-an didiak, para fasil atu identifika, hanesan eis veteranus, eis prizioneiru ou ita bolu eis, eis, eis, buat sira ne’e hotu organiza malu forma tok hanoin diak balun para buat sira ne’e hotu bele lao diak,” hateten Primeiru Ministru Kay Rala xanana Gusmao ba Jornalista sira iha Palasiu prezidensial, Aitarak laran Dili, hafoin enkontru ho xefe estado Taur Matan Ruak, Tersa (18/9).

PM Xanana Gusmao kompara, iha Timor Leste difesenti sira sai ezemplu ba sosiedade tomak atu banati tuir, tanba maske difesenti maibe sira konsege organiza malu hodi nune’e fasil liu hodi ema bele tau matan.

Tuir Xefi Governu katak, bainhira organizadu ona, importante mak tenki la’o ho hanoin ida deit atu dezenvolve organizasaun, nune’e bele atende kualker problema ne’ebe mak mosu, ba dahuluk sei forma uluk konsellu veteranus iha distritu 13, nune’e bele hatenede tiha problema veteranus nia tomak husi baze, hafoin harii konsellu nasionalveteranus nian.

Bainhira konsellu veteranus harii ona, PM Xanana dehan, ba futuru asuntu veteranus labele partidariza, tanba esperensia veteranu ne’ebe mak iha nasional sempre unidade, maibe veteranus distritu nian sempre han malu.

.

Inacio Moreira: "Veteranu 'Lu-Olo' La Hetan Projetu"

.

Jornal Timor Post - Tersa-feira, 11 Setembru 2012

Reprejetante Povu iha Uma Fukun Parlamentu Nasional (PN) hateten, projetu eletrisidade ne'ebe governu fahe ba veteranus sira durante ne'e laiha balansu, tanba Veteranus barak ne'ebe hamutuk ho Francisco Guterres Lu-Olo la hetan.

Assuntu ne'e fo sai husi Deputadu Inacio Moreira husi Bancada FRETILIN ba Jornalista sira iha Uma Fukun Parlamentu Nasional, Segunda (10/9).

"Husu ba Sua exlcensia, Kay-Rala xanana Gusmao, atu bele haree didiak, tanba veteranus ne'e ita tenki fo dignidade, liu husi projeitu ne'ebe fahe husi governu atu nune'e sira mos halo ho responsablidade no kualidade, maibe tuir ami nia haree, durante ne'e veteranu ne'ebe besik liu senhor Xanana maka hetan projeitu, maibe veteranus sira ne'ebe besik liu ho Lu-Olo se maka fo projeitu?" dehan Inacio Moreira.

Relasiona ho kestaun ne'e nia husu atu toma konsiderasaun hodi nune'e labele hamosu situasaun ida inbalansu.

"Problema ida ne'e ita tenki tetu, i hare!!!! nasaun ida ne'e ba ema hotu, halo desijaun ne'e tenki ho diak, atu nune'e labele iha deskonsiderasoens ba sira, ne'ebe ita hotu la hakarak, ida ne''e mak hau hanoin importante liu," nia hatutan tan.

Nia akresenta tan katak, Governu tenki hare kondisaun veteranu sira nian molok fo projetu no identifika kompania sira ne'e, veteranus tebes ka lae.

"Ema ida la bele mai dehan deit nia ne'e veteranus, tanba deit hakarak atu hetan projeitu, maibe ninia kondisaun ne'e laiha, ida ne'e mak hau hakarak ita tenki koalia ba malu para atu bele kumprende malu, hau hateten iha maneiras lubuk ida, ne'ebe presija uza hodi fo projetu ba ita nia veteranus sira atu halo, hau hakarak hateten ba kompania hotu-hotu ne'ebe dehan kompania ne'e veteranus ninian, ita tenki hare katak ema hirak ne'e tebes veteranu ka lae," nia kestiaona.
.

Luta Hamutuk: "KKN Mosu Iha Projetu veteranus"

.

Jornal Independente - Tersa-feira, 11 Setembru 2012

Primeiru Ministru Kay Rala xanana Gusmao iha ona hanoin diak atu bele hadiak veteranu sira nia kondisaun moris liu husi fahe projetu, maibe hamosu fali aktu Korupsaun Kolusaun no Nepotismu (KKN) iha projeitu ne'e.

Sosiedade sivil, deputadu parlamentu nasional no veteranu sira balun konsidera fahe projeitu laós atu fo benefisiu ba veteranu sira, maibe hamosu veteranu falsu hodi habokur ema seluk.

Tuir Diretur ezekutivu ONG Luta Hamutuk Mericio Akara hatete, fahe projeitu ba veteranus laos atu aselera dezenvolvimentu, maibe atu haburas KKN, habokur kompania nain (sub kontrator), tristeza boot veteranu kontinua kiak no povu la sente rejultadu implementasaun projeitu husi programa governu neé.

"Fahe projeitu nufin la aselera dezenvolvimentu iha ne'ebe iha mak kualidade la diak, iha mak KKN buras, iha mak diretores ho kompania sira mak fahe projeitu sira ne'e, povu baibain la senti rejultadu implementasaun," dehan Akara ba INDEPENDENTE horseik hodi responde deklarasaun Primeiru Ministru Xanana Gusmao katak, nia fahe projetu ba veteranus tanba atu hadiak veteranus sira nia kondisaun moris.

Politika Ptimeiru Ministru Xanana Gusmao ne'e, laos ajuda veteranus tanba kompani husi rai liur mak aproveita hodi habokur an.

"Durante ne'e dala barak Governu fahe projeitu hanesan, Pakote Referendum, PDD I no PDD II, nune'e mos la aselera prosesu dezenvolvimentu ida, nafatin marka pasu, ita bele haree pakote referendum nia rejultadu iha ne'ebe," dehan Akara.

Tuir Estudu ne'ebe mak Luta Hamutuk halo, kada tinan projetu sira ne'ebe mak liu husi aprovizionamentu maioria pursentu 60 failla iha falan no pursentu 40 mak ezekuta.

ne'e hatudu, laos sistema aprovizionamentu mak lalos, maibe impelemntador sistema mak uza sala tamba KKN.

Tanba ne'e, Akara dehan, dezenvolvimentu la lao, laos impaktu husi lei hanesan tenderizasaun maibe kapasidade implementador sira mak seidauk sufisiente.

Ba kestaun ne'e, antes ne'e mos, Prezidenti Komisaun E trata asuntu infraestrutura no komunikasaun iha Parlamentu Nasional, Pedro da Costa, rekoinese katak, durante implementasaun projeitu eletrisidade ba veteranus, sira identifika laiha kualidade, maibe governu esforsu nafatin atu hadia iha futuru hodi atinji kualidade.
.

Deputadu Pedro da Costa Rekoinese; "Fahe Projeitu Ba veteranu Afeta Ba Dignidade"

.

Jornal Independente - Kuarta-feira, 05 Setembru 2012

Projeitu ne'ebe mak fahe ba veteranu sira bele fo benefisiu boot, maibe, projeitu ne'e mos afeta ba dignidade veteranu sira, kuandu projeitu ne'ebe sira kaer laiha kualidade.

Membru Komisaun E parlamentu Nasional asuntu infraestrutura, deputadu Inacio Moreira hateten, loloos iha meus barak mak governu kria hodi fo duni konsiderasaun espesial ba veteranu sira, ne'ebe labele afeta ba dignidade pessoal veteranu nian inklui veteranu tomak.

"Governu bele fo projeitu, maibe tenki kria kondisaun ba sira (Veteranu) labele fo deit husik tiha, depois bainhira laiha kualidade povu kritika," dehan nia, iha uma fukun PN Tersa (4/9).

Tuir Inacio Moreira nia hanoin, tenki trata veteranu ho loloos, fo pensaun iha fatin ida, maibe, kuandu hakarak fo projetu tenki ho kondisaun, tanba oras neé ema ne'ebe laos veteranu mos uza naran veteranu hodi hetan projeitu.

Entertantu, Prezidenti Komisaun E, Deputado Pedro da Costa, rekoinese durante ne'e projeitu barak ne'ebe kaer husi veteranu laiha kualidade.

Nune'e, situasaun ne'e tuir Pedro, afeta duni ba personalidade veteranu sira nian, tanba hetan kritika husi entidade oioin liliu komunidade sira.

"Ita labele hare dehan laiha ona kualidade depois para ona, tenke akompania, se bele prepara enjeneiru tekniku sira hodi faislita implementasaun projetu," haktuir Pedro.

Ba Probelma ne'e, nia dehan, presiza Ministeriu ne'ebe kompotente kria mekanizmu no kondisaun ne'ebe diak atu buat hirak ne'e sai hanesan konsiderasaun ida ba luta nain sira.

.