Jornal Independente - Sesta-Feira, 11 Jullu 2014
Primeiru Ministru Interinu, Fernando La Sama de Araujo afirma katak,
ba oras ne'e daudauk nia lakohi atu fo komentariu ruma sobre nia
pozisaun atu assume fali kargu nu'udar Primeiru Ministru bainhira
atual Primeiru Ministru Xanana Gusmao retira husi nia kargu.
Iha loron kuarta (09/7), eis Prezidente Republika, Jose Ramos Horta
nuudar lider antigu ida hahu fihir ona jerasaun foun ne'ebe tama iha
kategoria atu ukun.
Tuir nia haree katak, Heremenegildo Pereira (Agio) atual Ministru
Prezidensia Conselu de Ministru, Feranando La Sama de Araujo atual
Vise Primeiru Ministru no eis Ministru Saude Dr. Rui de Araujo iha
kapasidade no esperensia atu assume kargu PM bainhira Lider Karisma
Xanana Gusmao rejigna aan.
"Nia (Agio) manan esperensia boot ne'e, inklui mos nia hanesan
elementu ida CNRT que hau haree uniku it abele hatete kapasidade
politiku ne'e makaas loos," dehan Horta.
Hata'an ba deklarsaun ne'e, Fernando La sama dehan, entrega ba publiku
mak bele fo sira nia observasaun.
"Ne'e husi ba, hau husu Avo Horta mak hatene liu," hateten Primeiru
Ministru interinu, Fernando La Sama iha palasiu Governu horsehik.
Kona-ba esprensia nuudar ukun nain ida, ne'ebe mak tuir Horta katak,
La sama de Araujo mos hanesan ema ne'ebe mak merese atu kaer kargu PM.
"Ida ne'e bah usu eis Prezidente Republika Ramos Horta mak hatene,"
dehan La Sama.
,
Sem comentários:
Enviar um comentário
Nota: só um membro deste blogue pode publicar um comentário.