Ukun Nain Balun Fo Komentariu Maka'as Ba Asuntu Justica; "Prezidente Tribunal Rekursu Husu PR Koloka PNTL Halo Seguransa"

.

Notisia Husi TVTL - Segunda-Kalan, 07 Jullu 2014 

Prezidente Tribunal Rekursu afirma Primeiru Ministru seidauk halo intervensaun ba prosesu justisa, asuntu ne'e hato'o husi Prezidente tribunal de Rekursu Guilhermino da Silva hafoin haosu malu ho Prezidenti da Republika (PR), Taur Matan Ruak. 

Prezidenti Tribunal de Rekursu informa asuntu ne'e, hafoin hasoru malu ho Prezidente da Republika iha Palasiu Prezidente Nicolau Lobato, Dili. 

 Prezidente Tribunal de Rekursu haktuir katak, Tribunal fo ona desizaun termus identidade rejidensia ba Diretor ADN maibe foin dadauk ne'e ukun nain balun halo komentariu maka'as kona ba asuntu ne'e. 

"Iha pratikamente ne'e seidauk interven ba Tribunal nia servisu, so komentariu de'it kona ba buat balun akontese iha Dili hasoru Senor Diretor ADN, hau hanoin ne'e kazu normal, signifika iha interven ba servisu Tribunal, iha komentariu ne'e iha tendensia ba iha ne'eba mais pratikamente seidauk interven ba servisu tribunal," dehan Prezidenti Tribunal Rekursu. 

Iha parte seluk, Prezidente Tribunal Rekursu husu ba Prezidente da Republika atu koloka Polisia nasional Timor-Leste ba Tribunal Distrital iha Distritu Hotu. 

"Iha ema balun mak tau liman ba ofisiais judisiasriu nian ne'ebe akontese iha servisu Tribunais, tamba ida ne'e mak ita tenke toma medidas hodi bele mantein seguransa ba servisu Tribunais," dehan Prezidenti Tribunal Rekursu. 

Iha loron hanesan, Prokurador da Republika hasoru malu ho Prezidente da Republika iha palasiu Prezidente Nicolau Lobato.

.