Jornal Independente
Segunda-Feira, 21 Jullu 2014
Komunidade sira iha Suku bene-Ufe, Sub Distritu Nitibe, Distritu
oekuse, lamenta ho kondisaun estrada ba sira nia area ne'ebe ho
kondisaun aat.
Komunidades ira sente triste tanba iha altura PreZidente Republika
(PR) ba vizita sira nia fatin, kompania sira 'rame rame' halo kabeer
estrada atu PR bele liu, maibe bainhira PR fila no estrada hahu kuak,
laiha ema mak tau matan.
Komunidade ida, Antonio Simao de carvalho dehan, estrada ba sira nia
suku liga ba Sub-Distritu Nitibe to'o ohin loron sei aat.
"Foin dadauk Prezidenti Republika (PR) mai vizita iha ne'e komesa taka
estrada kuak halo kabeer, maibe PR fila tiha estrada kuak fali ona"
dehan iha nia hela fatin, foin lalais.
Antonio sente, Governu lokal halo diskriminasaun ba Suku bene-Ufe,
tanba suku seluk iha Nitibe estrada tama ona, maibe so sira nia suku
mak seidauk.
Ho kondisaun estrada ne'ebe aat, nia dehan, difikulta komunidade sira
atu fa'an sira nia produtu lokal iha merkadu.
"Transporte la mai, mai mos husi ne'e to'o Oekusi kada ema selu dollar
$10.00, ne'e seidauk konta ba sasan sira ne'e," dehan komunidade ne'e
ho triste.
Entertantu, komunidade Antonio da Costa Lelan dehan foin lalais ne'e
Governu lori ona ekipamentu pezado hodi suru rai-henek, maibe ida ne'e
sei sai problema boot ba komunidade sira iha tempu udan.
.
Sem comentários:
Enviar um comentário
Nota: só um membro deste blogue pode publicar um comentário.