Jornal Nacional Diario - 14 de dezembro de 2015
Prezidenti Repúblika Taur Matan Ruak la muda nia pozisaun ba Orsamentu Jeral do Estadu (OJE) 2016. Maibé sei matein pozisaun katak sei veta OJE, kuandu Governu fó nafatin prioridade ba infra-estrutura.
Xefi Estadu ne’e dehan, oras ne’e dada’uk nia seida’uk simu OJE 2016, atu hatene Governu fó prioridade ba área saida.
“Ha’u foin lalais iha tomada de posse VI Governu mós, ha’u rekomenda ba Governu atu ko’a buat ne’ebé mak laiha nesesidade, i konsentra ba área sira ne’ebé mak iha nesesidade, liu-liu agora petroleum folin menus,” dehan Taur Matan Ruak ba jornalista sira, iha Suku Kaibada Makasae, Postu Administrativu Baucau Villa, Munisípiu Baucau, Sabadu (12/12), hafoin diálogu ho komunidade iha Suku refere.
Maibé Taur Matan Ruak dehan, Governu la hatu’un nafatin, sira hasa’e liu orsamentu ba projetu infraestrutura sira ne’ebé bo’ot hanesan projetu ZEESM, no projetu tasi mane.
Taur Matan Ruak haktuir, setór sira ne’ebé liga ba moris sidadaun sira nian ne’e, Governu reduz fali.
“Agora ha’u hein, bainhira mak simu orsamentu para halo analiza, tanba orsamentu mak determina ha’u nia pozisaun, ha’u bele veto ou promulga,” relata Taur Matan Ruak.
Xefi Estadu ne’e aviza ona ba Parlamentu Nasionál (PN) ho Governu atu reduz orsamentu ba fundus infraestrutura hodi fó prioridade liu ba setór Edukasaun, Saúde, Bee no Saneamantu inklui mós agrikultura.
Taur Matan Ruak dehan, kuandu sira lafiar Xefi Estadu nia lian ne’e, Parlamentu ho Governu sei haree, saida mak Prezidenti Repúblika atu halo ba OJE 2016.cos
.
Sem comentários:
Enviar um comentário
Nota: só um membro deste blogue pode publicar um comentário.