Na conferência nacional do FIOSF, Lere Anan Timor disse:" Dez anos e muitas coisas não andam certas"

.

Jornal Nacional Diário - 29 de outubro de 2012 - Tradução de TIMOR HAU NIAN DOBEN 

O Chefe do Estado-Maior General das Forças Armadas, Lere Anan Timor, disse que a independência de Timor Leste já foi restaurada há dez anos, e que o I e o V Governo Constitucional fizeram algumas coisas, mas muitas coisas ainda não estão certas. 

Lere Anan Timor fez estas declarações na conferência nacional do Fórum Intelectual da Organização Sagrada Família (FIOSF), no passado sábado, em Díli. Lere afirmou que, como o líder dos militares, ele nunca diz coisas inventadas, de acordo com Lere, Timor-Leste não pode negar que a Corrupção, Conluio e o Nepotismo existem, e são estas as razões da pobreza. 

 O ex FALINTIL deu um exemplo da sua experiência: durante as suas visitas de trabalho ao estrangeiro, ele constatou que as pessoas dos outros países não têm medo de morrer, mas têm medo de serem pobres, " É melhor eu morrer do que ser pobre". 

Lere acrescentou ainda que, " a nação para ser democrata, na verdade tem de se combater primeiro a pobreza. Para os membros do governo ele disse que, serem membros do governo e ocuparem os cargos de ministros, eles não podem pensar que isto é uma oportunidade, eles têm de se esforçar para libertarem um dia o povo do sofrimento, pobreza e da miséria.

De acordo com Lere Anan Timor, o papel da Organização Sagrada Família é o de valorizar na mesma a resistência, para que deste modo possa ensinar a importância do nacionalismo às gerações vindouras. 

.

Konferensia Nasional FIOSF “Lere: Tinan 10 Buat Barak Seidauk Lao Los”

.

Jornal Nacional Diario - Segunda-feira, 29 Outubru 2012 

Chefe Estado Maior Jeneral Forsa Armada, Lere Anan Timor hatete Timor Leste restaura ona ninia independensia tinan 10 no mos Governu hahu husi primeiru governu konstitusional to’o kintu governu konstitusional halo ona buat balun maibe buat barak mak seidauk lao loos. 

 Lere Anan Timur hato’o kestaun ne’e iha Konferensia Nasional Forum Intelektual Organizasaun Sagrada Familia (FOISF) ne’ebe halao Sabadu (27/10) iha Canossa Has Laran, Dili. 

Lere dehan, hanesan ulun ba military, nunka koalia buta ne’ebe mak inventadu, tuir Lere Timor Leste la bele nega katak, Korrupsaun, Konluiu, Nepotizmu (KKN) ejiste tanba kauza husi kiak. 

 Eis FALINTIL ne’e mos fo ninia esperensia ne’ebe durante ne’e nia halo vizita trabalho ba rai liur katak, ema sira nasaun seluk ne’e la tauk mate maibe sira tauk deit mak kiak. “Diak liu hau mate do que hau kiak, Lere Anan Timur realsa tan. 

 Lere mos hatutan tan katak, nasaun atu sai demokrasia, lolos tenki halo lakon uluk problema kiak. Ba membrus Governu, Lere haktuir katak, sai membru governu ne’ebe mak okupa kadeira Ministru la bele hanoin katak, ida ne’e oportunidade, maibe buka halo esforsu atu liberta povu terus nain husi kiak no mukit iha loron ruma. 

 Tuir Lere Anan Timor, papel OSF atu hametin ukun rasik an OSF tenki buka valoriza nafatin, valor rejistensia, nune’e bele fo edukasaun nasionalismu ba jerasaun iha futuru.

.

Maijen Lere; “Governu Tenki Kria Lei Militar Obrigatoriu”

.

Jornal Nacional Diario - Kinta-feira, 18 Outubru 2012 

Xefi Estadu Maior FALINTIL-Forca Defeza Timor Leste (F-FDTL), Maijor Jeneral Lere Anan Timor, konkorda tebes politika Estadu atu implementa militar obrigatoriu, maibe governu tenki kria uluk lei atu bele reforma Politika ne’e. 

 “Militar obrigatoriu ne’e sempre iha lei servisu military obrigatoriu nian, porque iha kriteriu, pruzemplu 18 anos ka 25 anos mak tenki obrigatoriu, i militar obrigatoriu, ne’e dehan katak, tenki ba vida militar mas ba tinan rua ka tinan ida, ne’e depende, mas normalmente tinan ida ho balun,” hateten Maijor Jeneral Lere Anan Timor ba Jornalista sira, hafoin hasoru malu ho Xefi Estadu Taur Matan Ruak, iha Palacio Prezidensial Prezidenti Nicolau Lobato, Aitarak Laran, Dili, Kuarta, (17/10), hodi informa konaba situasaun seguransa em jeral iha rai laran ba PR.

 Lere Anan Timor esplika, military obrigatoriu ne’e buat ida ne’ebe mak diak, maibe importante mak governu tenki kria kondisoens, (lei military obrigatoriu-red), par abele obriga sidadaun sira ba militar obrigatoriu. 

Maske xefi Estadu Maior Jeneral Lere Anan Timor, konkorda politika atu implementa military obrigatoriu, maibe lere Anan Timor mos seidauk hateten, seidauk klaru bainhira mak atu implementa, tanba depende ba kondisaun lei implementasaun militar obrigatoriu. 

.

“Maijen Lere Husu Okupantes Hamamuk Otel Rezende”

.

Jornal Independente - Kuarta-feira, 17 Outubru 2012 

Xefi Estadu Maior FALINTIL-Forsa Defeza Timor Leste (F-FDTL), Maijor Jeneral Lere Anan Timor halo intervanesaun hodi husu ba okupantes atu hamamuk Hotel Rezenda ho pas iha tempu badak, maibe labele aproveita hodi kria instabilidade hafoin misaun Organizasaun Nasoens Unidus (ONU) remata iha fulan dezembru iha tinan ida ne’e. 

Nia dehan, Otel rezende ne’e iha fatin propriedade estadu nian, nune’e okupantes sira laiha rajaun seluk atu husu fali indeminizasaun (subsidiu) ba governu. Tuir Maijen Lere, kualker se mak okupa rai ne’e hanesan provizoriu de’it, tanba fatin propriedade estadu nian. 

 “Ita Timor ne’e mos demokrasia laos hanesan ne’e, ita uluk mai okupa ne’e provizoriu, ne’e asset estadu nian, kuandu estadu dehan atu uza fatin ita tenke hamamuk, labele koalia mangame hela,” hateten Maijen Lere Anan Timor ba Jornalista sira iha Tasitolu, Dili. 

 Maijen Lere husu tan ba okupantes tenki iha komprensaun diak hodi labele hamosu situasaun la diak iha kapital Dili. 

 Antes ne’e, maske governu fo ona tempo durante loron 15 ba okupante sira hodi hamamuk Hotel Rezende maibe, to’o ohin loron seidauk realiza tanba komunidade hirak ne’e sei hein indeminizasaun husi governu.

Nota do blogue: General Lere pede aos ocupantes do Hotel Resende para saírem. E vão para onde Sr. General?  A  maioria  são estudantes universitários e não têm para onde ir!!! Assim vão tratando o futuro do país. Francamente!

 .

Exersisiu Crocodile: “EUA Haruka Ro Funu 3 Ho Forsa 3.000”

.

Jornal Nacional Diario - Segunda, 15 Outubru 2012 

Atu fo susesu Exersiziu Crocodile ho FALINTIL-Forca Defeza Timor Leste (F-FDTL), Forsa Fujileiru Estadus Unidus Amerikanu haruka nia ro funu bo’ot 3 hamutuk ho nia forsa 3.000, helikoptru 30. 

Chefe Estado Maijor General F-FDTL, Lere Anan Timor esplika katak, Exersisiu konjunta ne’ebe hanaran exersiziu Crocodile ne’e sei halao durante loron 5, hahu kinta (11/10) to’o tersa (16/10). 

Exersisiu ne’e sei foka ba area fujileiru ninian, barces des embreces, saude ho injineria ninian. Maijor Jeneral Lere Anan Timor mos hateten katak, exersisiu ne’e importante ba forsa nasaun rua hodi troka experensia ba malu. 

 “Ema sira ne’e (Forsa Fujileiru EUA, red), harii kleur ona, professional no experensia ba iha area imbarces, saude, enjineria ninian maka’as tebes, entaun ho exersiziu ne’e it abele manan experensia ba malu, tanba ita nia forsa foin harii tinan 10, entaun ita presiza aprende tan buat balun husi sira ,” hateten Maijen Lere foin lalais ne’e, iha Kuartel jeneral F-FDTL, Fatihada, Dili.

 Alende ne’e, tuir Lere, importanisa seluk husi exersiziu ne’ebe F-FDTL halo ho Forca Fuzileiru EUA ne’e mos atu konsolida relasaun ne’ebe diak entre forsa rai rua ninia iha futuru. 

 Kona ba Forsa F-FDTL ne’ebe involve iha exersiziu hamutuk kuaze 400 pesoas ne’ebe envolve iha exersiziu Sakundar no Lafaek ho Forsa husi Australia no EUA. Maijen Lere hateten, maske forca rua ne’e mai husi rai ne’ebe la hanesan, ho kultura no tradisaun ne’ebe mak la hanesan, maibe liu husi exersisiu ne’e, nia fiar forsa rua ne’e sei hamutuk hodi hamosu konfiansa husi povu nian. 

 Maijen Lere mos hatutan tan katak, fatin hahu exersisiu Crocodile ne’e sei komesa husi Tasi Tolu, metinaro, Manatutu no final iha Baucau, Jeneral ho fitun rua ne’e mos informa katak, exersisiu hanesan mos, F-FDTL sei halo ho forsa husi Indoensia no nasaun seluk, nune’e bele hetan esperensia barak liu tan kona ba area military ida-idak nian. 

.

Lere Anan Timor: “Governu Tenki Simu Portu Hera Ho Kualidade”

.

Jornal Timor Post - Sesta-feira, 12 Outubru 2012 

Xefe Estadu Maior FALINTIL-Forsa Defesa Timor Leste (F-FDTL), Maijor Jeneral Lere Anan Timor, husu ba Governu atu simu portu Hera ho Kualidade. 

“Hau husu ba Governu tenki simu portu ne’e ho kualidade,” deklara Lere iha Kuartel Jeral F-FDTL, Fatu-hada, Dili, Kinta (11/10). 

 Lere hateten, nia parte la iha intervensaun ba konstrusaun portu Hera no laiha responsablidade ba obra ne’e, nia parte so hatene simu Portu Hera ho kualidade ne’ebe diak. Iha parte seluk, Prezidenti Konsellu Diretivu Lifese Pty Ltd, Jhon Down, hatete, komapania hakarak hari’i portu iha fatin ne’ebe propiadu, maibe komando husi Komponente Naval rasik mak la fo autorizasaun ba kompania atu halo portu iha fatin ne’ebe propoiu. 

Jhon Dwon mos esplika katak, wainhira kompania simu orden atu halo konstrusaun ba Portu naval hera, sira aviza ba komandante komponenete Naval katak, sira tenki haruka ke’e rai-henek iha area tasi-ibun neebe besik ponte, tanba se la’e bele estraga portu ne’e rasik. 

 Entertantu, Sekretariu Estadu Defesa (SED) Julio Thomas Pinto hatete, Portu naval hera ne’e responsablidade kompanai Lifese tanba Portu ne’e seidauk intrega ba governu. 

Nune’e mos Julio Thomas rekoinese katak, maske antes ne’e sira iha konkordansia diak, durante konstrusaun lao, Lifese kestiaona duni kona ba rai-henek ne’ebe nakonu iha portu okos, maibe laiha karta eskrita ofisial ida husi lifese ba governu.

.

Familia Nino Coni Santana Hasoru Malu Maijor Lere:

.

Notisia Husi TVTL - Sesta-Kalan, 28 Setembru 2012 

 “Lere Anan Timor: Estadu Mak Responsabliza Hodi Halot Restu-Mortais Saudozo Nino Coni Santana” 

Familia Nino Conis Santana hasoru malu ho Maijor Jeneral Lere Anan Timor, enkontru ne’e atu informa kona ba prosesu aloot Restu Moratis saudozo Nino Conis Santana. 

 Hafoin hasoru malu ho Maior Jeneral, reprejetante familia hateten, familia hasoru Xefe Estadu Maior das FALINTIL-Forcas Defeza Timor Leste (F-FDTL), familia konsiderasaun hanesan, durante iha funu laran Lere Anan Timor akompania Saudozo da Luta Nino Coni Santana hodi funu hasoru embazor sira. 

Entertantu Maior Jeneral F-FDTL Lere Anan Timor informa, Nino Coni Santana mate tamba prosesu luta ba independensia nasional Timor Leste, tamba ne’e estadu maka bele fo solusaun hodi haloot Saudozo Nino Coni Santana ho konsensia. 

“Hau nia rekomendasaun estadu maka tenki fo solusaun ho responsabliza no haloot tuir kultura ita Timor nian,” dehan Lere Anan Timor. Antes ne’e, familia husi Metutu Ermera no Tutuala Lospalos iha consensus atu halot restu mortais Nino Coni Santana iha Jardim Heroi iha Metinaru, Dili.

.

“Lere Ho Lian Nasionalizmu, Parte F-FDTL Lakohi Kondisaun Diak Liu Instituisaun Seluk”

.

Notisia Husi TVTL - Kuarta-Kalan, 26 Setembru 2012 

 Maijor Jeneral Falintil-Forsa Defesa Timor Leste (F-FDTL) Lere Anan Timor informa situasaun forsa defesa ba Prezidenti da Republika Taur Matan Ruak. 

 Lere Anan Timor mos informa uma ne’ebe Governu Chineza entrega ba F-FDTL fulan hirak liu ba, sei la bele hela tamba sei falta mobiliariu. Komandante F-FDTL ne’e mos deklara ho nasionalizmu katak, husi parte F-FDTL lakohi para kondisaun F-FDTL diak liu instituisaun seluk, maibe husu estadu atu oinsa mak bele tau matan ba Forsa Defesa sira hodi nune’e bele moris ho kondisaun saudavel. 

.

Kazu Tuana-Laran: "Lere Nega Haruka Boby Halai"

.

Jornal Timor Post - Kinta-feira, 13 Setembru 2012

Komandante Jeral FALINTIL-Forsa Defeza Timor Leste (F-FDTL), Lere Anan Timor nega (bantah) total informasaun katak, nia rasik haruka ona nia oan mane (Boby) halai tiha ba Indonezia tanba kazu Tuana-Laran foin lalais ne'e.

"Boby ne'e Timor oan, tanba uluk funu ne'e maka ema lori nia ba Indonezia, maibe agora ne'e nia mate ka moris nia moris iha Timor Leste, kuandu ba hau, hau hakarak nia ba hataan, nia la halai," klarifika Lere ba Jornalista sira, kuarta (12/9), hafoin hasoru malu ho Prezidenti Republika Taur Matan Ruak iha Palasiu Prezidensial, Aitarak-laran, Dili.

Kona-ba kazu ne'e, Lere hateten, nia simu ona despaisu husi Primeiru Ministru Kay-Rala xanana Gusmao nuudar mos Ministru defeza no seguransa (MDS).

Xefi Estadu Maior ne'e mos husu, diak liu familia sira lori ba tribunal, tanba joven Maximiliano ne'ebe maka hetan agresaun fiziku husi membru forsa militares, antes ne'e aprezenta ona ba Primeiru Ministru Xanana no lori ona ba Hospital Nasional Guido valadares (HNGV).

"Hau hanoin kazu ne'e labele para deit iha ne'e, kuandu hau nia ema sala, hau dehan suspende tuir ami nia regulamentu militar," Lere dehan.

Maibe, desizaun Tribunal bele diferente ho regulamentu disiplina militar no desizaun gamilia nian, haree tuir tipu kazu bele tidan bele aplika todan tinan 5 to'o 10.

Nota: Epááá!!!Deixem o Sr. General Lere em paz, isto já parece uma perseguição!!!Que culpa tem este senhor do que aconteceu???

.

Kazu Tuana-Laran: "Lere Husu Vitima Lori Ba Tribunal"

.

Jornal Nacional Diario - Kinta-feira, 13 Setembru 2012

Xefe Estado Maior Jeneral FALINTIL-Forsas Defesa Timor Leste (F-FDTL) Maijor Jeneral, Lere Anan Timur husu vitima ne'ebe hetan agresaun fiziku husi elementu F-FDTL iha Tuana-laran, Dili foin lalais ne'e atu lori kazu ne'ebe ba tribunal hodi prosesa tuir dalan justisa.

"Asuntu krime nian hau husu ba vitima sira lori kazu ne'e ba Tribunal diak liu, porque ita nia alin sira ne'ebe que vitima ba agresaun fizika porpatimu sira nian ne'e todan lori ba Hospital, lori ba Primeiru Ministru, hanoin ida ne'e labele para de'it iha ne'e," deklara Maijor jeneral Lere Anan Timor ba Jornalista sira kuarta (12/9) iha Palaciu Prezidenti Bairo-Pite, Dili, hafoin sorumutu ho Prezidenti da Republika (PR), Taur Matan Ruak hodi hato'o situasaun seguransa rai laran ba Presidente.

Hatan kona ba nia (Lere) nia oan (Boby) mos hola parte halo agresaun fiziku iha kazu refere no tuir in formasaun Boby halai tiha ona husi Timor, Lere hatan katak, Boby La halai ba rai liur.

"Boby ne'e Timor oan ne'e uluk tanba funu ne'e mak ema lori ba Indoenzia," haktuir jeneral Lere.

Kazu Tuana-Laran nebe involve F-FDTL ne'e, vitima hato'o keixa ba Primeiru Ministru tan ne'e iha tersa liu ba, Primeiru Ministru xanana Gusmao hato'o despaico ba nia (Lere) konaba keixa ne'e.

Ba kazu ne'e rasik instituisaun F-FDTL liu husi seksaun de Justisa oras ne'e dadaun estuda, analiza inklui sei halo hela investigasaun ba kazu refere.

"Hau simu antes ami nia membrus ninia deklarasaun i investigasaun ne'ebe mak Polisia Militar halao iha neeba que hau kontaktu dokumentu rua ne'e, i hau kanaliza ba ba ami nia seksaun de justisa sei estadu, sei analiza, sei halo investigasaun," dehan Lere Anan Timor.

.

Lere Anan Timor: " Alguns timorenses querem prolongar a missão da ONU"

.

TVTL - Sexta-feira, 07 de setembro de 2012 - Tradução de TIMOR HAU NIAN DOBEN

O major-general, Lere Anan Timor, apelou a todos os jovens timorenses para cooperarem com as F-FDTL para assegurar a paz e a estabilidade do país.

O major-general Lere Anan Timor disse que, neste momento já não há guerra em Timor, por este motivo eu apelo a todas as pessoas para se prepararem como deve de ser, para contribuírem para o desenvolvimento de todos os setores, porque o mandato da ONU está prestes a terminar.

"Quando não há guerra, nós vamos fazer outro trabalho, por exemplo, apoiar a nossa a comunidade e fazer outros trabalhos, mas a Força (exército) continua a preparar-se para a guerra de acordo com as regras. Neste momento em algumas das nossas comunidades, alguns dos nossos jovens que mataram um membro das F-FDTL, penso que nós temos de compreender, porque quer queiram quer não, no futuro eles é que vão ser o luto da nação, porque vai chegar o momento em que nós vamos sair, por este motivo é que eu peço para compreenderem. Mas às vezes estas situações surgem, porque os autores intelectuais é que as provocam, também se provocarem 100 vezes, nós estamos aqui, nós aceitamos sofrer, nós aceitamos morrer mas os timorenses têm de aceitar que Timor é nosso, nós queremos a estabilidade de Timor. Por exemplo, o caso que ocorreu há pouco tempo, eles tinham planos para matar a Força, eles tinham mesmo planos, mas naquele momento eles não conseguiram matar por causa da intervenção da Polícia Militar, eles eram para matar dois ou três naquele momento. A questão que nós temos de ver é que, primeiro, a missão da ONU está prestes a terminar em Timor-Leste e por isso alguns querem alongar a missão da ONU, para eles poderem ter as vantagens económicas das Nações Unidas. As Nações Unidas investiram muito dinheiro em Timor, arrendaram casas, hotéis e outras coisas mais, quando eles saírem, eles vão ter de deixar as casas alugadas, estas coisas todas é que são o problema, mas a nossa palavra final é, " Vida ou morte, Independência", declarou Lere".

Por este motivo Lere Anan Timor apelou a todos os timorenses, para darem as mãos para que deste modo se possa consolidar a paz e a estabilidade no país.

.

“Lere Anan Timor: Timor Oan Balun Hakarak Anaruk Misaun ONU”

,

Notisia Husi TVTL - Sesta-Kalan, 07 Setembru 2012

Maijor Jeneral Lere Anan Timor husu ba joven tomak iha nasaun ne’e atu koopera ho F-FDTL hodi asegura paz no estabilidade iha rai laran.

Nune’e, Maijen Lere Anan Timor hatene katak, oras ne’e dadaun funu laiha ona iha Timor, tamba ne’e husu ba ema hotu atu prepara an didiak hodi halao dezenvolvimentu iha seitor hotu-hotu, tamba mandatu ONU mos besik remata ona iha tempo badak nia laran.

“Funu kuandu laiha ita ba halo serviso seluk, prujemplo apoiu ita nia komunidade no halo serviso sira seluk, maibe Forca prepara nafatin ba funu ne’ebe lao tuir regras, agora ita nia komunidade balun, ita nia joven balun ne’ebe asai ita nia membru F-FDTL nia vida, ne’e hanoin katak, ita tenki kumpriende, tamba hakarak ka lakohi aban bainrua sira mak sei sai lutu ba nasaun ne’e, tamba ami sira ne’e to’o momentu ida ami sei sai, tamba ne’e mak hau husu ba sira para kumpriende, maibe dala ruma situasaun sira ne’e mosu tamba autor intelektual sira mak provoka ida ne’e, atu provoka dala atus ida (100) mos ami mak ne’e, ami aseita ba terus, ami aseita ba mate maibe Timor oan tenki konsente katak Timor ne’e ita nian, ita hakarak estabilidade Timor nian, prujemplo kazu foin dadauk ne’e, sira iha planu atu oho forsa, sira iha planu duni, maibe iha momentu ne’eba sira la konsege oho, tamba intervensaun lalais husi Polisia Militar, sira atu oho nain 2 ka nain 3 ne’ebe iha momentu ne’eba, kestaun ne’e ita tenki hare katak, ida, tamba misaun ONU besik remata iha Timor Leste, tamba ne’e balun hakarak hanaruk misaun ONU para sira bele hetan bantazen husi nasoens unidas ninian, kestaun ekonomi, nasaun Unidas investe osan barak iha Timor, hanesan aluga uma, Hotel halo buat oioin , kuandu sira sai, uma sira ne’ebe aluga tenki husik, buat sira ne’e hotu mak sai problema, maibe uluk ita ni palavra mak ‘Mate Ka Moris Ukun Rasik Aan’,” deklara Lere.

Ba kestaun ne’e Lere Anan Timor husu ba Timor oan hotu atu fo liman balu hodi nune’e bele hametin pas, dame no estabilidade iha rai laran.

.

Familia Vitima Seidauk Hato’o Keixa Ba Komando F-FDTL: “Lere Anan Timor: Prezidenti Republika no Primeiru Ministru La’os Juis”

.

Notisia Husi TVTL - Sesta-Kalan, 07 Setembru 2012

Chefe Estado das Forcas Armada FALINTIL-Forca Defesa Timor Leste Maijor Jeneral Lere Anan Timur hateten, to’o oras ne’e komando Jeral F-FDTL seidauk simu keixa husi familia Vitima ba kazu Tuana-Laran, tamba ne’e difisil atu foti medidas hasoru elementus F-FDTL ne’ebe deskonfia envolve iha kazu refere.

Xefe Estado Maijor jeneral Lere Anan Timor hato’o kestaun ne’e ba TVTL, sesta-feira semana ne’e iha nia servisu fatin, relasiona ho kazu agresaun fiziku ba Joven ida ho naran Marciano da Silva iha Tuana-laran ne’ebe deskonfia envolve membru F-FDTL balun.

Antes ne’e, familia vitima lori Marciano ba gabinete Primeiru Ministru hodi hato’o keixa.

Relasiona ho keixa refere, sesta-feira ne’e, Lere Anan Timor husu ba familia vitima atu labele hato’o keixa ba Primeiru Ministru Kay Rala Xanana Gusmao, tamba nia laos Juis.

Lere Anan Timor mos hateten katak, tenki evita atetude komunidade nian ne’ebe wainhira atravesa Problema la hato’o keixa ba orgaun kompotente maibe ba fali Primeiru Ministru no mos Prezidenti da Republika.

“Ami nia mensazen, ami nia hanoin ba ita nia komunidade, ba ita nia Joventude maka ida ne’e, kuandu problema ruma ne’ebe ami nia elementus ruma envolve, haruka aprejenta keixa mai estado maior jeneral, maibe ita nia povu, ita nia joventude karakter idake ita tenki kombate, tenki kombate duni, buat ne’e labele lao hanesan ne’e, buat kiik boot ba Primeiru Ministru, buat kiik boot ba Prezidenti da Republika, se hau eduka hau nia ema katak, problema ruma iha unidade laran, iha komponente soldadu ida nunka mai kontaktu hau, nunka mai aprejenta keixa iha ne’e, enkuantu nia komandante seksaun la hatene, enkuantu nia komandante pelataon la hatene, enkuantu nia komandante kompania la hatene, enkuantu komandante unidade la hatene, tamba ne’e ita tenki eduka ita nia komunidade katak, kuandu buat ruma lalika ba Ministru defesa porke nia laos Juis, nia laos komandante Forsa armada, nia politiku, ne’e mak hau hanoin ita tenki buka evita buat sira ne’e para iha kestaun dignidade ba nain ulun sira e kestaun dignidade ba ita nia nasaun emos kestaun dignidade ba ita ida-idak ninian,” dehan Lere Anan Timor.

Tuir Lere Anan Timor to’o oras ne’e nia rasik foin simu relatoriu husi Polisia Militar maibe seidauk iha relatoriu ruma husi parte vitima, tamba ne’e komando difisil foti desizaun tamba laiha balansu husi relatoriu parte vitima.

“Relatoriu ne’ebe hau simu husi Polisia Militar, hau dehan katak, buat hotu-hotu los, e hau la fiar, buat hotu-hotu los ne’e hau la fiar, hau so kuandu simu keixa husi ita nia komunidade mak foin ita balansu los ka sala, ita ema kuandu komete sala mak ita deit mak koalia, ne’e buat hotu-hotu ita deit mak los, tamba ne’e mak ita presiza simu relatoriu entre vitima no akuzadu mak ita tetu se los mak sala, mais ate agora hau so simu deit relatoriu husi parte ami nia, mais sira ne’ebe vitima hakark lori ba Tribunal, bele lori ba Tribunal, ne’e oin seluk, kuandu lori ba tribunal hau haruka hau nia ema sira ne’e ba hataan iha tribunal, se nia sala nia tenki kumpri tuir regulamentu ne’ebe ami iha tuir desizaun Tribunal nian,” dehan Tan Lere Anan Timor.

Kazu agresaun fiziku ne’e, akontese wainhira vitima Marcimiano halao hela knaar hanesan seguransa iha Bar foun ne’ebe lokaliza iha Tuana-laran tamba loke tarde portaun ba memebrus F-FDTL nain tolu ne’ebe iha tempu ne’eba hakarak atu ba divertamentu iha fatin refere.
.

“Maijen Lere Husu Kazu Boby Labele Kahur Nia Knaar Profesional”

.

Jornal Independente - Sesta-feira, 07 Setembru 2012

Xefi Estadu Maior FALINTIL-Forsa Defesa Timor Leste (F-FDTL), Maijor Jeneral Lere Anan Timor husu entidade tomak atu labele kahur nia knaar profesional ba kazu privadu Boby (nia-oan mane), ne'ebe akontese iha Bar My Flower, tanba nia rasik la hatene.

Komandante Lere deklara ida ne'e, relasiona ho pesoal F-FDTL nain lima no deskonfia nia oan mane Boby involve mos iha kazu baku sikuriti ida iha Bar may Flower, Aldeia Lemorai, Suku Vila-Verde, tersa kalan foin lalais ne'e.

Lere esplika, kada kalan nia sempre deskansa iha uma no loron ba halo serviso, nia oan mane Boby ne'ebe diskonfia involve iha kazu ne'e, tuir nia, ne'e laos nia responsablidade.

"Ba husu nia (Boby) mak responsabliza, uluk hau nia alin sira barak mate iha ai laran mos hau nunka responsabliza, agora nia foin mai halo problema hau mak responsabliza fali," hateten Lere ba Independente liu-via telemovel, Kinta horsehik.

Relacionado: "Brutality Against the Community Continues"

.

Brutality Against the Community Continues

.

FUNDASAUN MAHEIN

Commander Lere’s son, along with four F-FDTL soldiers, went to a bar and beat up people for no reason. (Timor Post 6.9.2012) This incident is the latest in a series of brutality incidents by members of the police and military. It is a traumatic series of events that will lead to increased violence against the police, the military, and security institutions. It begins with brutality, like this, happening in the present.

The son, as the son of the Commander of the F-FDTL, also mentioned big names in an attempt to threaten people at the bar. People should never use the names of state leaders to threaten ordinary people even though the state leaders may be their relative. If sons or daughter continue using names of state leaders, it is not the rule of law working, it is the rule of deals working. Bringing up the names of state leaders keeps the conflict alive longer. It becomes a ticking time bomb for future explosions.

People will not respect or have confidence in security institutions if these incidents of brutality keep occurring. When people lose respect for security institutions, there will be resistance against the police and military.

The government and international organizations have invested a lot of money in the capacity-building and training of these security institutions. The results of the training are not winning the people’s confidence. Why does so much money not have the desired or expected results? Why do we not have the discipline to apply these lessons in our security institutions?

Fundasaun Mahein (FM) is concerned by these events. FM would like stricter oversight and auditing of the police and military. FM asks the training institutes to focus more on training with an emphasis on non-lethal methods of crowd control. FM recommends Parliament Committee B to function fully as a civilian oversight commission that can receive and respond aggressively to public complaints. Finally, FM would like to bring the perpetrators of police or military brutality incidents to criminal court rather than to internal disciplinary proceedings.

Mario Amaral

Outreach Unit

Fundasaun Mahein

Mobile: + 670 77846214

http://www.fundasaunmahein.org

Mario@fundasaunmahein.org
.

Lori Komandante Nia Naran: “Pessoal F-FDTL Baku Joven 1 Grave”

.

Jornal Independente - Kinta-feira, 06 Setembru 2012

Deskonfia Pessoal FALINTIL-Forsa defesa Timor Leste (F-FDTL) nain lima lori komandante balun nia naran baku lisuk Joven ida ho naran maksimian Amaral idade (17) nu'udar seguransa iha Bar Maloa to'o hetan grave.

Akontesementu ne'e iha loron Tersa (4/9) tuku 11:00 Otl kalan, bainhira pesoal F-FDTL nain lima, inklui komandante F-FDTL balun nia oan halao vizita ba Barr.

Tuir observasaun Diario ne'e, familia vitima leba (kous deit) vitima ba aprezenta iha Ministru Defeza Seguransa Xanana Gusmao atual Primeiru Ministru iha Palasiu Governu horsehik.

Ba kestaun ne'e, xanana husu atu komando F-FDTL no PNTL hodi investiga pesoal F-FDTL ne'ebe baku ema sivil no foti asaun indisplinar ba aktu ne'ebe sira halo.

Entertantu, Inosencio da Costa nuudar testamunha (Seguransa mos iha Barr ne'e) hatete, vitima Maksimian hetan baku tamba deit tarde loke odamatan ba pesoal F-FDTL ne'ebe mai ho roupa sivil hakarak tebes tama iha bar ne'e.

"Nia (vitima) tarde loke odamatan tanba nia telefone hela, ami la konkorda tamba sira mai atu hemu halimar, ami loke odamatan deit mais nusa baku fali ami," dehan Inosencio.

Nune'e mos, vitima nia inan Fatima de Souza hateten katak, nia fuan moras bainhira pessoal F-FDTL baku nia oan to'o grave, nia mos husu ba Primeiru Ministru xanana Gusmao atu tau atensaun ba kazu refere.

"Hau nudar inan, hau nia fuan moras, tanba hau nia oan la halo sala, sira baku deit, lori ema boot nia naran maka baku fali hau nia oan, ami povu la simu ida ne'e, ami moe tebe-tebes," dehan vitima nia inan ne'e.

Nu'udar inan vitima nian, husu tenki foti desizaun ida forte hasoru membru F-FDTL ne'ebe baku nia oan to'o grave.

.

“Maijen Lere Husu Governu Sosa Tanki Guerra Ho Aviaun”

.

Jornal Nacional Diario - Kinta-feira, 06 Setembru 2012

Xefi Estado Maior General FALINTIL-Forsa Defeza Timor Leste (F-FDTL) Lere Anan Timor husu Governu atu sosa Ro Foun, Kainaun Morteiru, Tanki Guerra no Aviaun, hodi hametin pas no estabilidade iha nasaun neé.

Lia hirak ne'e Maijen lere koalia sai wainhira loke ofisialmente abertura treinu exersisiu Cobra 2012 ba membru F-FDTL sira, Kuarta (2/9), iha Terminal Tasi Tolu, Dili.

"Husu ita nia Governu atu sosa kainaun, Morteiru, tanki de guerra, Aviaun no Ro ne'e ba tempo pas nian, esplika Maijen lere Anan Timor.

Fasilidade hirak ne'e, Maijen Lere Informa, presiza duni atu nune'e iha futuru Forca sira bele uza hodi defende rai Timor Leste hodi hasoru inimigu ne'ebe hakarak estraga rai ne'e.

"ITa lakohi ona halo funu, mas ita konta ke aban bain rua ema halo funu ruma ho ita karik, imi sei utiliza kondisoens ne'ebe Governu fo ba ita atu infrenta inimigu, maibe ita sei soe hotu ita nian mak Guerra Gerilia," dehan Maijen Lere.

Exersiziu Cobra ne'e sei halaó durante semana rua hahu loron 5 toó 17 Setembru 2012iha Distritu Bobonaro no Ermera, ezersisiu ne'e sei lidera husi Maijor Adao Brito alias Jeki no Adjunto Komandante batalaunTaktiku ho nia membru sira seluk tan.

Komponente F-FDTL ne'ebe hola parte iha exersisiu ne'e husi komponente trestre, Komopenente Naval, Komponente Apoiu Serviso (KAS), no komponente husi Polisia Militar (PM).

Maijen Lere mos esplika, Exersisiu Cobra neé hanesan atividade normal ne'ebe husi forsa sira hala'o, tamba membru sira bele manan esperensia foun.

.

Ponte Portu Hera Toar: "BTK Halo Konstrusaun"

.

Jornal Timor Post - Kuarta-feira, 05 Setembru 2012

Atu proteze portu komponente naval Hera, Governu indika ona Kompania BTK hodi halo Konstrusaun Kebra Mar ba portu komponente naval.

Konstrusaun Kebra Mar ba Portu Komponente Naval ne'e, gasta orsamentu 3 Miloens no tuir planu konstrusaun ne'e sei finaliza iha tinan ne'e.

"Portu Provizoriu oras ne'e at hela, no foin dadauk ne'e Governu haruka ona kompania BTK ba halo konstrusaun Kebra Mar ba Portu Hera," Informa Major jeneral F-FDTL Lere Anan Timor ba Jornalista sira iha kuartel Jeneral, fatuhada, Dili, foin lalais ne'e.

konstrusaun Kebra mar ne'e ho luan metru 250, komprememntu metru 24, komdisaun ne'e bele ona asegura Portu Komponente naval.

Lere Anan Timor mos esplika katak, oras ne'e dadaun ro komponente Naval sei para hela iha Portu Dili, tanba kondisaun Portu Hera seidauk diak.

.

Portu Naval Hera Fo Esperensia Aat: “Lere Ezije Governu Sosa Elikoptru Tenke Ho Kondisaun”

.

Jornal Independente - Tersa-feira, 04 Setembru 2012

Komandante FALINTIL-Forsa defeza Timor Leste (F-FDTL) Major Jeneral Lere Anan Timur Ezije Governu atu kria uluk kondisaun molok sosa elikoptru.

Ezijensia Lere ne'e relasiona ho esperensia aat ne'ebe sira hasoru tiha ona iha prosesu konstrusaun Portu Hera ba Ro Naval ne'ebe toó ohin loron sei abandona tanba laiha kondisaun.

Tuir planu Governu sei sosa elikoptru ba F-FDTL tanba iha tempu besik F-FDTL sei iha Forsa Aero.

Lere dehan, importante tebes atu kria uluk kondisaun hanesan, prepara pilotu, mekaniku inklui ofisina, Aero Portu ba F-FDTL molok sosa elikoptru.

"Sira (Governu) sosa ne'e laos defisil, sosa ne'e fasil, maibe ita atu kria kondisaun atu simu aviaun sira ne'e mak problema tenki prepara ita nia pilotu, mekaniku buat sira ne'e hotu," dehan lere foin lalais ne'e iha Kuartel F-FDTL Fatuhada, Dili.

Nune'e mos Lere afirma tan katak, Portu Dili ezizi ba F-FDTL atu retira lalais ro Naval ne'ebe oras ne'e sadere iha Portu ne'eba ba fatin seluk tanba difikulta atividade portu nian.

"Portu difikulta tebes ba ami, tanba ne'e halo ami nia ro tenke para iha Portu Dili, halo portu nain ibun boot katak, tenki retira lalais, tanba ro tama hatuun sasan la diak," dehan Maijor Lere.

Nune'e, maijor Jeneral husu orjenti ba Governu atu hasia lalais kondisaun Portu Naval Hera atu labele difikulta servisu F-FDTL nian.

"Hau nia hakarak Ponte tenki iha, tamba ponte tohar ona, imi (Governu) tenki troka ho kualidade, atu governu ka kompania mak responsabliza ami nia hakarak tenki troka," tenik maijen ne'e.

Lere Mos husu atu Governu tenki kria planu diak ba kualker projeitu atu nune'e bainhira gastu orsamentu povu nian bele gastu ho diak atu fo benefisiu ba povu.

.