“Doutor Espesialista Halo Tuir Lucia Lobato Nia Hakarak”

.

Jornal Nacional Diario - Kuarta-feira, 20 Novembru 2013 

Doutor Espesialista iha Hospital Nasional Guido valadares (HNGV) bele halo atuasaun ba moras ne’ebe mak Prijioneira eis Ministra Lucia Lobato sofre, maibe Lucia Lobato lakohi, nune’e doutor espesialista sira halo tuir deit prizioneira nee. 

 “Pasiente ne’e mai ho moras ida ne’ebe hanesan (benjolan iha mamae-red) ne’eb tuir Dr. Espesialista sira katak, sir abele halo atuasaun (tindakan-red) iha ne’e, maine nia (Lucia LObato) rasik lakohi ho rajaun ida ne’ebe lolos entaun Dr. sira labele obriga se pasiente rasik lakohi atu halo operasaun iha ne’e,” informa fontes konfirmadu nudar pesoal saude HNGV ba Jornalista sira iha HNGV Bidau-Dili, Segunda (18/11) ne’e. 

Fontes ne’e konfesa katak, informasaun ne’ebe hato’o husi Dr. espesialista ne’ebe halo atendementu ba Lucia Lobato katak, pasiente tama iha sala VIP HNGV ho moras ida ne’ebe hanesan benjolan iha mamae ne’eb tuir lolos Dr. Espesialista sira iha HNGV bele halo atuasaun maibe tanba pasiente rasik lakohi, ho nune’e laiha tan moras seluk nune’e diak liu pasiente ne’e alta. 

Ba kestaun refere, bainhira jornalista sira atu halo konfirmasaun ba Diretor HNGV Dr. Domingos da Silva, maibe Diretor ne’e rejeita fo informasaun ho razaun seidauk apar ho informasaun konaba pasiente refere. Entertantu, fontes konfirmadu ne’e hatutan, iha tempu badak nia laran Prizioneira Lucia Lobato sei sa (alta-red) husi HNGV hodi fila ba prizaun Gleno hodi kumpri sentesa ne’ebe mak Tribunal hatun, tanba ninia kondisaun saude hahu rekopera hikas. 

“Kondisaun pasiente prijioneira Lucia Lobato agora dadaun rekopera fila fali ona tamba ne’e, nia (Lucia Lobato) sei alta iha tempu badak, maibe sidauk hatene los sa data,” haktuir fontes ne’e.

.