Jornal Independente - Segunda-feira, 18 Novembru 2013
Komisaun Anti Korupsaun (KAK) deside ona ema nain haat (4), hodi
kontinua hasoru prosesu justica ba kazu sosa material ba Ospital
Nasional Guido Valadares (ONGV) iha 2010.
Desizaun ne’e KAK foti hafoin halo investigasaun ba kazu ne’e, inklui
hasoru Ministra Financas Emilia Pires iha semana kotuk.
Fonte ida husi edifisiu KAK hatete ba Jornalista Independente katak,
ema nain haat ne’e mak Ministra Finansas Emilia Pires, Eis Vise
Ministra saude Madalena Hanjam, Eis Diretora ospital Nasional Guido
Valadares no eis prokuramen Ministeriu saude.
KAK halo investigasuan ba MF Emilia Pires durante oras haat (4) nia
laran iha sesta (15/11), ne’ebe hahu husi tuku 4:00 lokraik to’o tuku
07:15 kalan OTl.
Ministra Emilia to’o iha edifisu KAK ho kartea privadu RAV 4J ho
numeru Matrikula 20.315 TL.
Hafoin remata investigasaun Ministra Emilia hateten, nu’udar Ministra
Finansas no sidadaun Timor oan, nia sempre kolabora ho justisa.
Maibe, Ministra Emilia dehan, tanba ema hotu hatene artigu 14 lei KAK,
dehan KAK nia atividade hotu-hotu tenke sujeitu ba segredu justisa
ne’e mak nia labele esplika klaru liu kona ba investigasaun ne’ebe nia
hasoru.
“Portantu ida ne’e hakarak hatete katak, haul abele koalia, portantu
hau agradese ita boot sira lalika halo pergunta, tanba lei la fo dalan
mezmu ke laiha buat ida atu subar,” hateten Ministra Emilia.
“Ita hotu iha obrigasaun atu kolabora ho autoridade juridisiarias hodi
bele sira hala’o sira nia kna’ar, maibe importante tebes ba autoridade
sira no mos sidadaun hotu-hotu tenki respeita lei nasuan ne’e nian,
tenki hala’o servisu ho imparsialidade durante prosesu ne’e tomak.”
.
Sem comentários:
Enviar um comentário
Nota: só um membro deste blogue pode publicar um comentário.