Jornal Independente - Kinta-Feira, 22 Maiu 2014
Membru komunidade Fomentu 2, Dili Sabadu kotuk (17/5) hetan mate isin
bebe feto oan ida iha foer fatin.
Mate isin bebe ne'e agora iha Ospital Nasional Guido valadares hodi
hetan autopsia.
Komandante Operasaun Investigasaun Kriminal Nasional (SIKN), Inspetor
xefe Manuel Alves dehan, nia parte ba foti mate isin bebe ona ne'e ba
ospital hafoin membru komunidade Fomentu 2 fo informasaun.
Nia dehan, tuir sasin nain ida ne'ebe hela besik fatin akontesementu
katak, deskonfia feto ida ne'ebe iha sesta (16/5) lokraik nia lori
plastiku mean ida mak soe mate isin ne'e ba foer fatin.
"Sasin ne'e konta tuir mai ami katak, nia hetan inan feton ne'e maibe
nia lakonese, no feto ne'e kaer ho plastiku mena ida ba mai loos iha
foer fatin ne'e," haktuir Manuel, iha kuartel jeral PNTL, Kaikoli, horsehik.
Nia hatutan, tanba deskonfia feto ne;e tau buat ruma iha plastiku
ne'ebe nia soe ba foer fatin, iha dader sedu sasin ne'e ba buka
plastiku ne'e kedan no Sasin ne'e hare kedan mate isin bainhira nia
lke plastiku ne'e.
"Ami nia ekipa forensic to'o iha fatin akontesementu no lori kedas
mate isin ne'e mai iha Ospital nasional Guido Valadares hodi hala;o
prosesu autopsia, oras ne'e mate isin anjo oan ne'e sei iha hela
motoario ospital nian," dehan Manuel.
Nia hatutan, prosesu investigasuan ba kazu ne'e sei la'o hela.
,
Sem comentários:
Enviar um comentário
Nota: só um membro deste blogue pode publicar um comentário.