Timor Post - 13 de julho de 2015
Díli - Estundate klase rua, Siénsias Soiais, hosi Eskola Sekundária Finantil ho naran Candino Vicente, Kinta (09/07) oras tuku sanulu liu minutu sanulu resin, silu tohar Professora Vitoria Henrique nia liman parte karuk.
Tuir kronolojia, Vise Diretór Eskola Sekundária Finantil, Aloicius Mau-Bere ba Jornalista sira iha ES Finantil, Komoro Dili, haktuir, hanesan baibain aula la’o professora haruka alunu ida ba oin hodi hakerek. La kleur Candido too tarde aula maka professora haruka hamriik iha oin hodi alunu ida ne’ebé hakerek hela iha oin atu esplika matéria ne’ebé hakerek dadauk ba nia.
Tanba Candido la kompriende saida mak nia kolega esplika, Candido hamos tia saida mak nia kolega hakerek iha kuadru. Tanba ne’e, professora husu razaun saida mak Candido hamoos maibé Candido la fo razaun halo professora ho hirus oituan baku kois iha Candido nia ulun, maka Candido fila silu tohar professora nia liman.
Hafoin akontesimentu Vise Diretór Mau-Bere too kedas iha fatin hodi salva vítima no evakua kedas ba Hospital Nasional Guido Valadares (HNGV) hodi halo tratamentu.
La kleur, Polísia Eskuadra Comoro too kedas iha fatin akontesimentu konsege kaer kedas Candido lori kedas ba sulan iha sela hodi halo investigasaun.
Atetude estudante ne’e halo professor no profesora sira hakfodak no preokupa tebes. Sira husu ba Ministériu Edukasaun atu koordena ho parte seguransa hodi asegura prosesu aprendijajen iha eskola hotu.
Vise Diretór Mau-Bere hatete, Ministériu Edukasaun tenki rezolve problema ne’e, nomos kria lei ida ho loloos ba professor sira atu nune’e hodi protese profesores, tanba realidade ne’ebé akontese iha eskola sira estudante sempre baku profesores, maibé Ministériu Edukasaun nonok de’it.
“Ami profesores sira maka sai vítima ba estudante, tanba ami profesores sira laiha lei ida atu proteze ami, tanba ne’e ami husu ba Ministériu Edukasaun no Parlamentu Nasionál tenki rezolve problema ne’e, no kria lei ida hodi proteze ami profesores sira, se la’e ami profesores sira maka hakruk fali ba estudante sira,” hatete Mau-Bere.
Preokupasaun hanesan hatoo mos osi Professor Aniceto Berlele, katak, kazu estudante baku profesres ne’e akontese ba eskola barak ona, mais ministériu edukasaun nunka foti medidas ida ba problema sira hanesan ne’e.
Hafoin evakua ba HNGV, professora ne’e horiseik fila ona ba uma. Inkuantu estudante ne’e sei iha hela sela polísia eskuarda Komoro hodi kumpri investigasaun. (fer)
Tuir kronolojia, Vise Diretór Eskola Sekundária Finantil, Aloicius Mau-Bere ba Jornalista sira iha ES Finantil, Komoro Dili, haktuir, hanesan baibain aula la’o professora haruka alunu ida ba oin hodi hakerek. La kleur Candido too tarde aula maka professora haruka hamriik iha oin hodi alunu ida ne’ebé hakerek hela iha oin atu esplika matéria ne’ebé hakerek dadauk ba nia.
Tanba Candido la kompriende saida mak nia kolega esplika, Candido hamos tia saida mak nia kolega hakerek iha kuadru. Tanba ne’e, professora husu razaun saida mak Candido hamoos maibé Candido la fo razaun halo professora ho hirus oituan baku kois iha Candido nia ulun, maka Candido fila silu tohar professora nia liman.
Hafoin akontesimentu Vise Diretór Mau-Bere too kedas iha fatin hodi salva vítima no evakua kedas ba Hospital Nasional Guido Valadares (HNGV) hodi halo tratamentu.
La kleur, Polísia Eskuadra Comoro too kedas iha fatin akontesimentu konsege kaer kedas Candido lori kedas ba sulan iha sela hodi halo investigasaun.
Atetude estudante ne’e halo professor no profesora sira hakfodak no preokupa tebes. Sira husu ba Ministériu Edukasaun atu koordena ho parte seguransa hodi asegura prosesu aprendijajen iha eskola hotu.
Vise Diretór Mau-Bere hatete, Ministériu Edukasaun tenki rezolve problema ne’e, nomos kria lei ida ho loloos ba professor sira atu nune’e hodi protese profesores, tanba realidade ne’ebé akontese iha eskola sira estudante sempre baku profesores, maibé Ministériu Edukasaun nonok de’it.
“Ami profesores sira maka sai vítima ba estudante, tanba ami profesores sira laiha lei ida atu proteze ami, tanba ne’e ami husu ba Ministériu Edukasaun no Parlamentu Nasionál tenki rezolve problema ne’e, no kria lei ida hodi proteze ami profesores sira, se la’e ami profesores sira maka hakruk fali ba estudante sira,” hatete Mau-Bere.
Preokupasaun hanesan hatoo mos osi Professor Aniceto Berlele, katak, kazu estudante baku profesres ne’e akontese ba eskola barak ona, mais ministériu edukasaun nunka foti medidas ida ba problema sira hanesan ne’e.
Hafoin evakua ba HNGV, professora ne’e horiseik fila ona ba uma. Inkuantu estudante ne’e sei iha hela sela polísia eskuarda Komoro hodi kumpri investigasaun. (fer)
.
Sem comentários:
Enviar um comentário
Nota: só um membro deste blogue pode publicar um comentário.