KALMA...EOK LA KAPTURA MAUK MORUK, XANANA MORAS

.

Timor Hau Nian Doben - 29 de julho de 2015

Tuir fonte ida besik eis komandante FALINTIL,Mauk Moruk, nia dehan ba Timor Hau Nian Doben katak informasaun kona ba Moruk nia kapturasaun la loos.

"Informasaun ne'e sala, impossivel kaer Mauk Moruk, ninia hela fatin seguru tebe-tebes,  forsa Empeñamentu Operasaun Konjunta (EOK)  la kaer nia ida", nia dehan.

Media Timor-Leste nian fo'o sai notisia katak deskonfia EOK kaer Mauk Moruk iha loron tersa-feira liu ba iha Manatuto no Xanana Gusmão fila ho urjensia ba Dili hodi hasoru problema ida ne'e.

"Xanana mai Dili tanba nia moras, la'os tanba EOK kaer Mauk Moruk, ne'e governu nia propaganda hanesan baibain. Ivo Valente mos fila ba Dili tanba nia monu.Lalika fiar liafuan hosi ukun na'in sira, dala hira ona mak sira dehan Mauk Moruk atu rende?", esplika.

Tuir Timor Hau Nian Doben nia hatene, laos primeira vez ke responsavel sira hosi Forsa Seguransa bosok ba publiku ka ba media no fo'o informasaun sala hanesan: sira deskobre ona Mauk Moruk nia subar fatin, sira serka ona eis komandante Falintil nian no lia bosok seluk seluk tan , maibe to'o agora governu fakar de'it mak osan barak ba operasaun ida ne'e maibe rezultadu zero.

Timor Hau Nian Doben koko telefona ba Mauk Moruk hodi dada lia ho nia, maibe ninia telefone mate hela.

.