Jornal Independente - Tersa-feira, 25 Fevereiru 2014
Sosiedade Hadomi Bola AMANTE hanesan lakohi hakiduk hodi buka dadus ba
failansu ne'ebe Federasaun Futebol Timor-Leste (FFTL) halo, hafoin
aprezenta dadus kona-ba falsifikasaun dokumentus ne'ebe FFTL halo,
horshik AMANTE deklara katak hetan tan dadus foun.
Prezidente Organizadora AMANTE Jose Carvalho dehan, nia parte hetan
tan faktus balun katak parokia no suku balun fasilita falsifikasaun
dokumentu ba jogador sira ne'ebe hakarak halo naturalizasaun
(Naturalisasi) sai sidadaun Timor-Leste.
"Ami mos hetan tan informasaun ne'ebe mak klaru katak, ba jogador sira
mai husi Brazil sira halo sira nia dokumentu ne'e husi Suku balun iha
TL no Parokia igreija balun iha Dili laran," dehan Jose iha Farol,
Dili, horsehik.
Hafoin hetan fatkus foun ne'e, AMANTE sei hato'o informasaun ba
Tribunal hodi bele haforsa fatkus seluk ne'ebe sira hatama ona.
TRISTE BA GRUPU DEFENSOR KALBUADI
Vise Prezidenti AMANTE, Inocensio de Jesus Xavier triste ba grupu
balun ne'ebe hanaran aan Aliansa Joventude Rezistensia Prijioneiru
(AJRP) ne'ebe fo apoiu ba servisu lideransa atual FFTL ne'ebe lidera
husi Francisco kalbuadi Lay.
Inocensio dehan, durante ne'e AMANTE hakarak atu buak lia loos ba
irregularidade ne'ebe deskonfia mosu iha FFTL.
"AMANTE triste ho maun alin sira ne'ebe mak hanaran aan Aliansa
Joventude Rezistensia Prizioneiru, tanba AMANTE la koalia kona-ba
rezistensia no prizioneiru maibe koalia kona ba Bola," katak nia.
Tuir nia, AMANTE mosu atu defende lia loos no mos oinsa atu dezenvolve
fitebol iha Timor-Leste.
Inocensio kestiaona mos grupu AJPR halao konferensia imprensa iha sede FFTL.
Nia duvida, tanba hanesan rezistensia no prizioneiru sira atu trata
povu tomak ka atu trata Kalbuadi no FFTL.
.
Sem comentários:
Enviar um comentário
Nota: só um membro deste blogue pode publicar um comentário.