"Sekjer PN Sadik Opozisaun Hatudu provas Korrupsaun"

.

Jornal Independente -Segunda-feira, 24 Fevereiru 2014

Sekretariu Jeral (Sekjer) Parlamentu nasional Mateus Ximenes Belo husu ba opozisaun FRETILIN atu hatudu evidensia ba indikasuan korrupsaun iha Parlamentu nasional, tanba kareta ne'ebe durante ne'e paradu iha PN la fo konbustivel.

Antes ne'e, Deputadu husi Bancada FRETILIN Osorio Florindo deklara pronto hatudu faktus ho dokumentus konprovativas ba indikasaun ba korupsaun ne'e, tanba tuir nia dehan, kareta PN balun para kleur maibe kontinua fo orsamentu ba konbustivel. Maibe Sekjer PN esplika katak, tuir regras normal, prosesu konbustivel ba kareta parlamentu ne'e sei haruka karta ba Ministeriu Finansas mak fo autorizasaun atu hetan konbustivel.

Tan ne'e, nia kosidera akuzasuan Deputadu Osorio hanesan deklarasaun politika ne'ebe laiha baze legal ida no laiha provas. "Ida ne'e deklarsaun politika ne'ebe laiha baze legal ida no laiha provas, ida ne'e deklarasuan politika ne'ebe deputadu sira halo, agora hua labe ehalo 'tindakan' ida tanba hau seidauk iha provas atu fo ukuman ba ema ida," nia afirma iha Otel ramelau, sesta foin lalais.

"Kareta PN ne'ebe lao mak ita buak konbustivel agora kareta ida paradu ne'e ita buka konbustivel para atu halo saida, ne'e la'os no la'o, e lalos," dehan nia. Tuir nia, kareta PN balun ne'ebe agora dadaun paradu hela hein rekrutamentu ba xefi devizaun PN nian.

"Kuandu rekrutadu, ami komesa intrega kareta hirak ne'e maibe la'os dehan kombustivel ne'e hela iha ne'eba no ema uza nafatin ka ema naok ne'e laiha, ne'e hau la hetan no ate agora laiha informsaun sobre indikasuan koruosaun ne'e no to'o agora ami sei uza nafatin konbustivel tinan 2013 nian no 2014 amis eidauk uza," nia lamenta.

Kona-ba deklarasaun Bancada FRETILIN katak atu hasai funsioanriu IT balun ne'ebe hatn ona inevstigasuan husi KAK, nia dehan atu fo suspensaun ba funsioanriu ida temki iha tema no provas atu nune'e bele fo sansaun.

 "Hau hanoin ita atu hateten hapara ema ida tenke iha provas ida tema ida mak fo sansaun maibe kuandu iha prosesu investigasaun sei lao tanba ita seidauk hatene ne'e prosesu kriminal ka lae," dehan nia.

Maski deputadu sira husi opozisaun levanta indikasaun korrupsaun iha plenaria, maibe Sekjer ne'e dehan to'o agora nia rasik seidauk karta ida husi deputadu sira.

"To'o agora hau seidauk simu karta ida kona ba indikasuan korupsaun ba konbustivel, lolos ne'e, hanesan deputadu sira ami koalia internalmente para hodi hatene prosesu ne'e maibe sira ema politiku ne'ebe hakarak koalia sai, maibe ami pronto hein sira bainhira mak sira halo investigasaun.

Okey....hanesan sekretariu jeral (hau) pronto hein sira ho provas ne'ebe iha para halo investigasaun," nia afirma.

.