PR Taur Matan Ruak "Husu Ba PM Xanana Labele Hakilar Demais Setor Justisa"

.

Jornal Nacional Diario - Segunda-feira, 24 Fevereiru 2014 

Prezidenti da Republika (PR) Taur Matan Ruak, husu ba Primeiru Ministru Kay Rala Xanana Gusmao atu labele hakilar no kritika demais setor justisa, maibe tenki produs planu de apoiu ida para fo formasaun intensivu ba autores justisa sira. 

"Prezidenti mos dehan bah au atu produs mos planu de apoiu ida, para formasaun intensivu it oan ba autores justisa, hanesan juis, Prokuradores, defensores no advogadus, tanba it abele diak, maibe se seitor justisa la konsege responde karik, ida ne'e problemas mos barak," informa PM Xanana ba jornalista sira iha Plasiu prezidenti Aitarak laran, hafoin realiza enkontru ho PR Taur Matan Ruak no Prezidenti PN, Vicente Guterres. 

Xanana dehan, nia esplika ba prezidenti dehan, tanba iha Tribunal kazu sira ne'e tau fali hanesan RDTL mak sala, kuandu se mak sala ne'e husi ne'eba. 

"Iha enkontru ho PR, ami mos koalia kona ba sistema judisiariu, ho seitor justisa Prezidente mos husu bah au, tanba dehan hau hakilar, maibe prezidenti dehan ba hau kuidadu," relata Xanana. Kona-ba Prezidenti parlamentu nasional, komu sira mak halo lei, entaun aproveita situasaun ida ne'e hodi focus itoan ba seitor justica, li-liu kona ba estatutu maestradu, no juridisiais. 

"Hau dehan tiha ona ba Parlamentu, halo tok tevizaun ruma kona ba leis no buat sira ne'e hotu, I husu mos ba governu atu tinan ida ne'e husi fundus dezenvolvimentu capital umanu, halao ona hodi it abele implementa programa ruma ne'ebe hakbiit liu tan ita nia juiz sira, ita nia prokurador, defensor sira," realsa Xanana. 

Xefi do Governu ne'e dehan, kona-ba Prezidenti tribunal rekursu nia Rezignasaun ne'e atu besik remata ona ne'e, Prezidenti republika sei ba foti desizaun, tanba lei mos hateten katak, semak atu nomeia no atu ba posse ba Prezidenti Tribunal Rekursu ne'e, so Prezidenti da Republika. 

.