Jornal Nacional Diario - Kuarta-feira, 26 Fevereiru 2014
Segundu Vise Prezidenti parlamentu Nasional (PN) Deputadu Aderito Hugo
da Costa informa katak, Defensor Publiku Sergio Hornai, sai kandidatu
forte ba Komisariu Komisaun Anti Korupsaun (KAK), Aderito de Jesus
Soares, ne'ebe mak ninia mandatu remata iha 22 fevereiru 2014.
Lista kandidatu ne'e aprezenta husi Primeiru Minsitru (PM) Kay Rala
Xanana Gusmao ba Parlamentu nasional (PN), hodi halo votasaun.
Aderito da Costa haktuir katak, nomeasaun ne'e mos bazeia ba karta PN
nian ba PM ne'ebe husu ba PM atu prepara kandidatus ruma hodi troka
Komisariu Komisaun KAK.
"Ami mos halo diskusaun ona ho Senor Komisariu KAK Aderiot Saores,
karik iha posiblidade antes atu ba halo eleisuan ba kandidatu ida
foun ne'e, nia sei ba iha plenaria PN hodi esplika durante nia servisu
iha tinan hat (4) nia laran," Dehan Aderito da Costa ba JN-Diario iha
PN, Tersa (25/2).
Reprezetante povu husi bancada CNRT ne'e hatutan
katak, PM Xanana hili ona Dr. Sergio Hornai liu husi reuniaun Konsellu
Ministrus katak, nia (Sergio, red) mak los ona no nia (Xanana,red) ba
aprezenta ona iha PN katak, iha tempu badak ne'e sira parlamentu sei
halo votasaun ba Komisariu KAK foun ne'e liu husi eleisaun sekretu.
Iha semana kotuk ba, wainhira PM Xanana Gusmao enkontru ho lideres
Bancadas Parlamentares ne'e los ona, Dr. Sergio Hornai mak sai
kandidatu uniku ba Komisariu KAK atu troka Dr. Aderito Soares.
.
Sem comentários:
Enviar um comentário
Nota: só um membro deste blogue pode publicar um comentário.