Jornal Nacional Diario - Kuarta-feira, 26 Fevereiru 2014
Mate Restu 12 Novembru, husu ba Primeiru Ministru (PM) Kay Rala Xanana
Gusmao atu labele rezigna aan iha dalan klaran, tanba Timor-Leste ne'e
sei presiza figura sentral ida hanesan PM Xanana.
Prezidenti Komite 12 Novembru Gregorio Saldanha hateten, sira nia
parte fo deklrasaun nune'e tanba akompania no tetu situasaun ne'ebe
oras ne'e la'o dadaun iha rai laran hodi halo referensia ba pasadu no
haree ba futuru, sei presiza maun boot Xanana.
"Ami husu ba Primeiru Ministru (PM) Kay Rala Xanana Gusmao atu labele
rezigna aan iha dalan klaran, maibe mantein nafatin nia pozisaun nudar
Xefe Governu to'o nia mandatu remata iha tinan 2017," deklara
prezidenti Comite 12 de Novembru ba Jornalista sira liu husi
konferensia ba imprensa, Tersa (25/02), iha balide Dili.
Prezidenti Comite 12 de Novembru ne'e husu ba PM xanana atu simu
kritikas no opinoens husi sosiedade hotu, hodi hadia no kaer nafatin
ukun diak liu tan iha tempu restu husi nia mandatu ne'e.
"Ami husu ba primeiru Ministru atu halo remodelasaun hodi troka ninian
membrus governu sira ne'ebe servisu la diak no husu ba PM Xanana atu
halibur ema matenek sira ne'ebe domina ba rai ne'e hodi ajuda halao
servisu iha nia governu to'o mandatu remata," Grigorio hateten.
Partisipa iha konferensia ba imprensa ne'e membru Comite 12 Novembru sira hotu.
.
Sem comentários:
Enviar um comentário
Nota: só um membro deste blogue pode publicar um comentário.