Alkatiri nia atan tenki aprende saída mak demokrasia ho ekipa Taur nian

.

Zizi Pedruco

Ami  simu informasaun barak hosi ami nia belun sira iha Facebook katak Alkatiri nia atan sira hirus tebes Timor Hau Nian Doben no dehan katak ami  halo difamasaun no bosok.

Ami  hakarak dehan deit ba leitor sira katak ami iha ne'e  hakerek tuir saída mak ema dehan mai ami. Ami nia fonte, ami hili ho kuidadu no sira hotu ema seriu tebes duni.

Fretilin karik hirus tanba Oan Kiak hakerek kona ba Rui de Araújo nia aman, Arnaldo Araújo, maibe nia veteranu ida, nia hatene didiak saida mak nia koalia, nia laos ema beik hodi mai iha ne'e no halo akuzasaun falsu ida.
.

Hosi Livru:"Funu:The Unfinished Saga of East Timor" - By Ramos-Horta

Leitor sira karik la hatene Massacre Aitana? Massacre Aitana ida ke boot loos, iha ne'eba TNI oho Timor Oan 10.000, ema barak mate iha Aitana inklui:  mane, feto, katuas, ferik, labarik sira nomos bebé sira. Tuir ami nia fontes, Arnaldo Araújo, Rui Araújo nia aman maka hamutuk ho TNI sira hodi oho Timor Oan iha Aitana. 

"Arnaldo Araújo prezidente partidu Apodeti no governador Timor-Timur  iha tinan 1975-1978 no nia sai membru Parlamento Nacional Indonezia nian iha tinan 1978-1988. Kona ba involvimentu Arnaldo Araújo iha Massacre Aitanan, klaru ona, tanba Arnaldo Araújo membro prinsipal pro integrasaun no nia importante tebes no nia mos halo parte iha operasaun ke Indonezia bolu Operasi Kikis. Arnaldo Araújo mak lidera Masakre Aitana", dehan veteranu ida ba Timor Hau Nian Doben.

Se karik Fretilin hirus ami  tanba hakerek informasaun iha leten ba publiku no balun dehan ami halo difamasaun, ami husu, tanba sa mak difamasaun? Ami mak halo duni difamasaun ka? Karik José Ramos-Horta mos halo difamasaun...

Uluk Fretilin hamutuk ho blog ida ne' e. Ema Fretilin rasik mak haruka informasaun tun sae, loron-loron ba blog ida ne'e. Ami iha prova, tanba ami laos beik no hotu-hotu ke sira haruka mai ka ami hakerek, ami rai hela dokumentu sira ke ema haruka mai ami, hodi nune'e ami bele proteje ami nia aan. Blog nia administrasaun desidi iha tinan 2014 katak lakohi tan ema hosi Alkatiri nia Fretilin hamutuk ho Timor Hau Nian Doben, tanba ami la fiar tan Alkatiri, karik tanba ida ne'e mak sira agora hirus tebes ami...

.

Fretilin ohin loron kritika no difama tebes blog ida ne'e tun sae, sira mau-pagador duni. Imi ba haree iha Fretilin media, tradusaun ba Português iha ne'eba besik hotu HAU RASIK  mak halo, sira NUNKA selu hau dolar ida, hau mos lakohi, hau la presiza. HAU NUNKA SIMU OSAN NEM IDA HOSI TIMOR-LESTE, HAU LAKOHI, HAU LA PRESIZA!!! Hau halo hotu tanba hau hanoin asu sira ne'e hakarak diak ba hau nia povu, maibe agora asu sira ne'e dehan katak ami nia notisia bosok, tan deit ami REKUZA halo Fretilin nia jogadas foer iha Timor Hau Nian Doben, tanba ami la halo saida mak sira hakarak ami halo.IMI MOE LAIHA, IMI TENKI APRENDE SAIDA MAK DEMOKRASIA!!! IMI ALKATIRI NIA ATAN, MAIBE AMI LAOS!!!

Membru Fretilin balun mak halo difamasaun duni ba ukun nain balun, haruka informasaun sala no kroat  tanba sira odio ukun nain balun, ida mak senhora Isabel Ferreira nomos  Prezidente Repúblika Taur Matan Ruak. Kleur ona mak ami simu informasaun barak kona ba Taur Matan Ruak no Isabel Ferreira, maibe tanba Fretilin deit mak dehan, ami lakohi publika tanba ami konfirma ho fonte ida besik Prezidente Taur no fonte ne'e dehan katak ema ne'e bosok hodi estraga Matan Ruak nia naran.

Membru Fretilin ida haruka informasaun ba Timor Hau Nian Doben katak Taur Matan Ruak karik okupa terra iha Metiaut no fatin ne'e laos ninia, maibé familia Madeira nian. Loron seluk ema ne'e haruka mensajen tan hodi dehan katak Sra. Isabel Ferreira uza kareta tolu Estadu nian.

Informasaun ke sira haruka mai ami difama tebes Xanana, Lere, Ramos-Horta, Taur no seluk-seluk tan, ami simu informasaun barak hosi ema Fretilin, barak loos, no ami rai hotu, ida ba ida...No ami agora mak halo defamasaun, tan deit hakerek kona ba Arnaldo Araújo? Karik Fretilin hakarak fo sertificadu heroi ida ba Arnaldo Araújo ka? Imi buka hatene lolos se mak Arnaldo Araújo, ema barak sei moris mak sai vitima ba hahalok Arnaldo Araujo. Vitima ida hosi Arnaldo Araújo mak hau nia kaben nia aman rasik!!!!!! Hau nia kaben koalia naran Arnaldo Araújo no nia nakdeder no dada iis labele...HAU NIA KABEN LAOS EMA BOSOKTEEN!!! 

Se ami  hakerek duni kona ba Taur Matan Ruak ka Sra. Isabel Ferreira hodi halo Fretilin nia propaganda, ami halo difamasaun ka lae? Maibe ami la hakerek lian anin ida ne'e hosi membru Fretilin ida, tanba ami laiha prova. Ami hakerek deit saida mak sai interese publiku no ita iha evidensia duni, se lae ami la hakerek, ami laiha buat nem ida kontra se-se deit, maibe se ami hanoin katak intrese publiku nee ami nia direitu tuir lei atu publika.

Imi sei lembra ka lae tinan 2012 bainhira hau hakerek katak ema hakarak oho Alkatiri? Fretilin rasik mak husu ba hau hakerek no sira mak fo informasaun mai hau no Fretilin rasik mak halo tradusaun artigu ke hau hakerek ba Inglês no Tetun. Sira dehan ema nia naran ke "hakarak" oho Alkatiri, maibe hau la fiar 100% sira no hau la tau ema nia naran, ne'e mak sira dehan hakarak estabilidade nasional no unidade??? Dala ida tan, hau iha prova hotu ba saida ke hau hakerek iha ne'e, sorte hau laos ema beik no fiar sira hanesan fiar Maromak, se lae ohin loron sira bele difama blog ida ne'e no hau labele defende ami nia aan.

Bainhira ami hakerek iha ne'e ami iha faktus no evidensia, se laiha ami la publika. Ami la halo defamasaun ba Rui Araújo ka ema Fretilin seluk, tanba deit ami kritika sira, ida ne'e ami direitu tomak. Ema balun iha blog ida ne'e mos lakon familia ba Timor- Leste ohin loron sai rai independente ida, ami nia direitu tomak atu kritika se-se deit!

Ami iha email atus ba atus hosi membru Fretilin balun no sira fo informasaun mai ami la halimar. Sira agora hirus ami tanba Timor Hau Nian Doben la halo tan tuir sira nia hakarak, ida ne'e mak Fretilin ohin loron nia demokrasia. Ami kritika sira no sira la hatene simu kritika, sira komesa ameasa tun sae! AMI LAOS EMA NEM IDA NIA ATAN! AMI LAIHA PATRAUN IHA NE'E!

Mari Alkatiri nia atan sira tenke ba aprende ho ekipa Taur Matan Ruak nian saida mak demokrasia, tanba hau kritika makaas Sr. Presidente, karik tanba hau espera barak liu tan hosi Xefe Estadu, karik tanba ba nia deit mak hau tau hau nia esperansa tomak hodi realiza hau nia mehi hodi loron ida ita nia povu sei hetan moris diak, karik...

Hau kritika duni Taur Matan Ruak bainhira hau iha triste ka iha revolta iha hau nia laran, dala barak ho liafuan kroat tebes maibe HAU NUNKA rona ninia membru nem ida kritika blog ka tolok Zizi Pedruco. Ida ne'e halo hau admira tebes sira, ekipa Taur nian. Ida ne'e mak demokrasia, ba ida ne'e mak ita nia maun alin rihun ba rihun mate. Karik Taur Matan Ruak nia ema hirus tebes hau, maibe hau hakarak fo hau nia admirasaun no apresiasaun boot ba sira hotu-hotu nia demokrasia. Obrigada barak ba imi hotu!

Fretilin no Alkatiri nia atan sira tenke ba aprende duni saida mak demokrasia ho Taur Matan Ruak nia ema.

ALKATIRI NIA ATAN MOE LAIHA DUNI!!!SIRA MAK ESTRAGA NARAN LULIK FRETILIN!!!

ABAIXO ALKATIRI NO NINIA ATAN OPORTUNISTA SIRA!!!

.