“ConocoPhillips Dezafia Rejultadu Auditoria TL”

.

Jornal Independente - Tersa-feira, 09 Outubru 2012 

Kompania Petroliu Conocophilips husi Nova Iorke (Amerika) ne’ebe hala’o eksplorasaun mina no gas iha tasi, rezeita rezuktadu auditorial Governu Timor Leste nian katak, nia seidauk selu taxa. Televizaun Australia, ABC semana kotuk fo sai katak, kompania rua (Woodside husi Australia no Conocophilips) seidauk selu taxa hamutuk billaun U$3 ba Governu Timor Leste. 

Portavoz ConocoPhilips Robin Antrobus, hateten ba Jornal INDEPENDENTE horsehik katak, nia kompania selu tiha ona taxa no laiha tan taxa ne’ebe seidauk selu. 

 “Conocophilips selu ona assesmentu taxa tomak ne’ebe fo sai husi servisu rendimentu Timor Leste, inklui asesmentu ne’ebe iha ami nia hanoin liu, ami nia obrigasaun legal,” Antrous hateten. 

 “Ami dezafia asismentu sira ne’e, tanba ami fiar sira kontribui ho ida ka liu ba, lei taxa Timor Leste, ami nia kontratu produsaun Asosiasaun ho Timor Leste no Australia, akordu estabilidade taxa ho Conocophilips no Timor Leste, no akordu Tasi Timor Sea entre Timor Leste no Australia. Entertantu, Portavoz Woodside Energy Ltd, Daniel Clery hatete ba INDEPENDENTE semana kotuk katak, nia kompania mos la konkorda ho akuzasaun governu Timor Leste katak nia seidauk selu taxa. 

Antes ne’e, Primeiru Ministru xanana Gusmao hateten katak, nia pronto defende direitu Povu Timor Leste iha Tribunal, tanba ne’e, governu mos kontrata ona advogadu husi Nova Iorke atu defende povu nia direitu iha Tribunal. Entertantu Prokuradoria Jeral Republika Ana Pesoa dehan, sei lori dezastre tamba advogadu sira ne’e la hatene lei ne’ebe Timor Leste aplika, pior liu maka advogadu internasional sira ne’e tenki hetan lisensa Tribunal maka foin bele asesu. 

Nune’e, PJR Ana Pesoa husu governu atu fo meus tomak ba Ministeriu Publiku atu hala’o kna’ar ne’e, laos advogadu estranjeiru. Iha parte seluk, Primeiru Ministru Xanana Gusmao hanoin deferensia ho PJR, tuir nia, Judisariu Timor Leste sei frazil, nune’e estadu sei tau matan ba Timor oan atu estuda no aprende diak liu tan atu iha futuru labele dependensia ba ema estranjeirus.

.