Eladi Fakultu: “Husu PN Bolu Orjenti Komandante PNTL Pedro Belo Hodi Esplika Ricardo Nia Mate”

.

Notisia Husi TVTL - Tersa-Kalan, 21 Agustu 2012

Deputadu Bancada FRETILIN Eladi Fakulto husu ba Parlamentu Nasional atu bolu orjenti komandante Distritu Dili, Supertendenti Pedro Belo hodi husu klarifikasaun ba kazu Mota-Ulun hodi rejulta Recardo Amaral da Silva moras to’o mate, tamba deskonfia hetan turturasaun husi elementu PNTL eskuadra Becora.

Ezizensia hirak ne’e hato’o husi deputadu Bancada FRETILIN Eladi Fakultu Terca-feira ne’e, iha plenaria Parlamentu Nasional, relasiona ho kazu Mota-Ulun ne’ebe rejulta joven ida moras to’o mate, tamba deskonfia hetan turturasaun husi elementu PNTL ne’ebe hala’o knaar iha Skuadra Becora.

Tuir Eladiu Parlamentu Nasional tenki bolu urjenti Komandante PNTL Distritu Dili Pedro Belo atu halo klarifikasaun lolos ba kazu refere hodi nune’e labele husik hela polimika iha publiku nia leet.

“Hau hanoin katak, importante tebes tenki bolu Senor Pedro mai iha ne’e, ohin hau sujere ba iha meja, tamba senor Pedro nia deklarasaun ne’ebe fo sai iha TVTL laiha fundamentu, tamba senor Pedro dehan, Joven ida mate nenee laiha relasaun ida kona ba, maibe tamba nia moras, maibe ita hatene katak, sekoensia husi problema sira ne’e tamba kontradisaun ne’e maka dezenvolve to’o alin oan ne’e mate tan, tuir informasaun katak labarik ne’e mate tamba hetan turturas” dehan Fakulto.

Antes ne’e, matebian iha Aldeia Terminal becora Suku Kamea husu ba instituisaun PNTL atu foti desizaun forte hodi hasoru elementus PNTL ne’ebe deskonfia halo torturasaun ba matebian.

Maske nune’e, komandante PTNL Distritu Dili, Pedro Belo hateten, presiza halo investigasaun profunda ba kazu refere.

.