Patrimoni Estadu Balun Lakon Iha Mandatu Ikus IV Governu Konstitusional: “PM Xanana Husu Inspektur Jeral Halo Investigasaun”

.

Notisia Husi TVTL - Sesta-Kalan, 17 Agustu 2012

Komisaun Funsaun Publika hala’o hela lebantamentu ba patrimonia estadu ne’ebe deskonfia lakon iha Ministeriu balun.

Primeiru Ministru mos husu ba inspensaun jeral atu halo investigasaun ba servidor publiku balun ne’ebe lori patrimonia estadu ba sira nia uma.

Prezidenti Funasaun Publika Liboria Pereira hato’o kestaun ne’e ba TVTL, wainhira partisipa iha Work Shop sesta-feira ne’e, iha Ministeriu Negosiu Estranjeiru.

Liborio Pereira hateten, oras ne’e dadaun funsaun publika hala’o hela lebantamentu ba patrimonia estadu ne’ebe deskonfia lakon iha Ministeriu balun.

Aliende ne’e, Primeiru Ministru Kay Rala xanana Gusmao husu ona ba inspensaun Jeral atu hala’o investigasaun ba servidor publiku ne’ebe deskonfia lori patrimoni estadu ba sira nia uma.

Tuir estatutu funsaun publika nian, Patrimonia estadu uza ba interese estadu laos interese privadu, wainhira remata mandatu kualker servidor publiku tenki iha responsablidade hodi fo hikas patrimonia estadu ne’ebe nia uza durante iha nia mandatu.

.